Эрдэнэт үйлдвэрийн Засвар механикийн завод импорт орлох бүтээгдэхүүний нэр, төрөл болон үйлдвэрлэлийн хэмжээг өсгөх, бүтээгдэхүүний өөрийн өртгийг бууруулах, борлуулалтын орлогыг нэмэгдүүлэх, өрсөлдөх чадвараа дээшлүүлэх зорилгоор өргөтгөл шинэчлэлийн ажлыг үе шаттай хэрэгжүүлсээр байна.
Өнгөрсөн жилийн өдийд эхэлсэн Цутгуурын цехийн Илчийн боловсруулалтын тасгийн өргөтгөлийн ажил одоогоор 40 орчим хувийн гүйцэтгэлтэй явааг тус цехийн дарга Б.Бат-Эрдэнэ мэдээллээ.
Өргөтгөлийн ажил төлөвлөгөөт хугацаанаас хоцорч яваа шалтгааныг ерөнхий гүйцэтгэгчээр ажиллаж буй “Аглут” компанийн Төсөл хариуцсан инженер М.Даваанямаас тодруулахад, талбай чөлөөлөлт, тендер шалгаруулалт, хилийн хязгаарлалт, газар шорооны ажил хийх явцад шаварлаг хөрс гарснаас 16000 м3 шороо сольсон, мөн өнгөрсөн зун бороо ихтэй байсан зэрэг нь хугацаа алдахад нөлөөлсөн гэв.
Өнөөдрийн байдлаар талбай дээр тус компанийн 20 гаруй ажилтан, 14 техник суурийн цутгалт, металл хийцийн угсралтын ажил гүйцэтгэж байна.
Илчийн боловсруулалтын тасаг өргөтгөл хийснээр Цутгуурын цехийн бүтээгдэхүүн үйлдвэрлэлийн хэмжээ 1800 тонноор нэмэгдэж, жилд 7000 тонн бүтээгдэхүүн үйлдвэрлэх боломж бүрдэх юм.
Нар минутад мандаж минутад жаргана.
Үс засуулвал: 
Суудал: 
