Эрдэнэт үйлдвэрийн Дулааны цахилгаан станц ирэх өвлийн их ачааллыг амжилттай даван туулахын тулд энэ сарын 2,3-ны амралтын өдрүүдэд “их зогсолт” хийж, томоохон засварын ажлуудаа амжууллаа. Дулаан үйлдвэрлэлийг 24 цаг, цахилгаан эрчим хүч үйлдвэрлэлийг 48 цаг зогсоож, тоног төхөөрөмжийн найдвартай ажиллагааг хангах 127 төрлийн засвар үйлчилгээ хийсэн байна.
Цахилгаан тоноглолууд дээр Цахилгаан цехийн мэргэжилтнүүд ажилласан бол бусад засварыг холбогдох цех, нэгжийн ажилтнууд “галын бурхад”-тай хамтран гүйцэтгэж, тоног төхөөрөмжийг төлөвлөгөөт хугацаанд нь урд шөнө амжилттай залгаснаар станц бүрэн хүчин чадлаараа хэвийн ажиллаж эхэллээ.
Одоо Эрдэнэт үйлдвэрийн Дулааны цахилгаан станц Диспетчерийн үндэсний төвөөс өгсөн горимын дагуу ажиллаж байна. Тус станц нь дулаан үйлдвэрлэлийн хувьд Эрдэнэт үйлдвэрийнхээ бүтцийн нэгжүүдийг хангаад зогсохгүй гадны 10 компанид уур дулаан түгээдэг. Харин цахилгаан эрчим хүч үйлдвэрлэлийн тухайд жил ирэх тусам өсөн нэмэгдэж буй хэрэглээг хангахаар төлөвлөгөөгөө байнга давуулан биелүүлсэн амжилттай ажиллаж байна.
Хоногт дунджаар 1 сая орчим кВт цахилгаан, эрчим хүч үйлдвэрлэдэг ДЦС өвлийн өндөр ачааллыг давах бэлтгэлээ ийнхүү бүрэн хангалаа.
Нар минутад мандаж минутад жаргана.
Үс засуулвал: 
Суудал: 
