АНУ-ын “ФЛСмидт Монголиа” компанийн автоматжуулалтын мэргэжилтнүүд Баяжуулах үйлдвэрийн Өөрөө нунтаглах хэсгийн Хам баяжуулалтын 5-р секцэд нэвтрүүлж буй ухаалаг системийн тохируулга дээр ажиллаж байна. Тэд үйлдвэрлэлд ухаалаг систем нэвтрүүлэх чиглэлээр мэргэшсэн, туршлагатай инженерүүд бөгөөд уг системд тохируулга хийх зөвлөмж, зааварчилгаа болон ажилтнуудад анхан шатны сургалт өгч байгаа аж. Харин системийн тоног төхөөрөмжийн угсралт суурилуулалтыг Баяжуулах үйлдвэр, Холбоо мэдээлэл технологи автоматжуулалтын цех хамтран гүйцэтгэж, Мэдээлэл технологийн хэлтэс хяналт тавин ажиллаж байна.
Баяжуулах үйлдвэрийн үйлдвэрлэлийн технологит хоёр төрлийн ухаалаг эксперт систем нэвтрүүлж байгаа юм. Тус цехийн Өөрөө нунтаглах хэсгийн 5,7 дугаар тээрэмд Load IQ төхөөрөмж байрлуулан нэвтрүүлж байгаа ухаалаг систем нь тээрмийн тогтмол эргэлтийг удирдах боломжгүйгээс тээрэм хэт ачаалж хахах, үүнээс шалтгаалсан технологийн материалын элэгдэл гэмтэл зэрэг хүндрэлээс урьдчилан сэргийлэх давуу талтай. Өөрөөр хэлбэл, тусгай төхөөрөмжийн тусламжтайгаар тээрмийн эргэлтийн хурдыг тохируулж удирдах, хүдэр их хэмжээгээр орж хахах нөхцөлийг урьдчилан тооцоолж мэдэх, технологийн материал болон эрчим хүчний хэмнэлт гаргах автоматжсан удирдлага бүхий ухаалаг систем юм.
Энэхүү ухаалаг системийг нэвтрүүлснээр хүдрийн бүхэллэг шинж чанарыг хэмжиж, нунтаглалтыг сайжруулна. Ингэснээр зэсийн баяжмалын чанарын үзүүлэлт дээшилж, металл авалт өсөх боломжтой гэж мэргэжилтнүүд тодорхойлж байна. Мөн Өөрөө нунтаглах хэсгийн Хам баяжуулалтын 5-р секцийн флот машин дээр “имиж анализатор” буюу хөөсний шинж чанар, шилжих хурд, чиглэлийг тодорхойлох ухаалаг тоног төхөөрөмжийг суурилуулж байна. Энэ төхөөрөмжийн тусламжтайгаар операторын хамааралгүй урвалжийн технологийн материалын зарцуулалт, даалгавар өгөх, хяналт тавих зэрэг үйлдлийг автоматаар удирдах аж.
Load IQ төхөөрөмжийг АНУ-ын “Кеннекотт Юта Коппер” зэсийн үйлдвэрийн нунтаглах процессод 2021 онд ашиглаж туршилт хийж байв. Энэ туршилтын үр дүнд хүдэр боловсруулалт нь 6.4 хувиар нэмэгдэж, цахилгаан эрчим хүчний зарцуулалт 2.5 хувь, тээрмийн эрчим 18 хувиар тус тус буурч, нунтаглалт сайжирсан үзүүлэлт гарч байжээ. “Эдгээр системийг нэвтрүүлснээр Эрдэнэт үйлдвэр эдийн засгийн өндөр үр өгөөжтэй ухаалаг үйлдвэрлэлийг хөгжүүлэх эхний алхмыг хийж байна. Нөгөө талаар, олон улсад өрсөлдөх чадвараа нэмэгдүүлэх давуу талтай” гэж Мэдээллийн технологийн хэлтсийн дарга Б.Гансүх онцоллоо.
Нар минутад мандаж минутад жаргана.
Үс засуулвал: 
Суудал: 
