Монгол Улсын сайд, Засгийн газрын Хэрэг эрхлэх газрын даргын Зөвлөх Ү.Амарбатаар ахлуулсан ажлын хэсэг, “Эрдэнэс Монгол” ХХК-ийн төлөөлөгчдийн бүрэлдэхүүн Эрдэнэт үйлдвэрт хоёр өдөр ажиллалаа. “Эрдэнэт үйлдвэр” ТӨҮГ, бусад уул уурхайн салбар, ижил төстэй компаниудад үлгэр жишээ болохуйц амжилттай ажиллаж байгаа ч илүү тасралтгүй сайжрах, томоохон суурь асуудлуудаа шийдэх, хөгжлийн дараагийн шатанд гарах гэх мэтчилэн олон хэрэгцээ шаардлага бий. Тиймээс тус үйлдвэрт тулгарч байгаа тулгамдсан асуудлууд, бэрхшээл, ирээдүйн урт хугацааны хөгжлийн талаар төвлөрч ярилцах зорилготой ажлын хэсэг ажилласан. Түүнчлэн энэ сарын 9, 10-ны өдрүүдэд Монгол Улсын сайд, Засгийн газрын Хэрэг эрхлэх газрын дарга Д.Амарбаясгалан, “Эрдэнэс Монгол” ХХК-ийн ТУЗ, удирдлага Эрдэнэт үйлдвэрт ажиллахтай холбогдуулан энэ үеэр хэлэлцэж зөвлөлдөх асуудлуудтай урьдчилан танилцаж, бэлтгэл хангалаа” гэж Ажлын хэсгийн ахлагч Ү.Амарбат ярилаа.
Ажлын хэсгийнхэн, Эрдэнэт үйлдвэрийг түшиглэн байгуулж буй Үйлдвэрлэл, технологийн паркийн бүтээн байгуулалтын явц, исэлдсэн хүдрийн овоолгыг ямар хэлбэрээр ашиглавал улсад илүү үр ашигтай байх, хувийн хэвшлүүдээ Эрдэнэт үйлдвэр худалдан авалт болон бусад бодлогоор дэмжих өргөн боломж, 49 хувьтай холбоотой цаашид авах арга хэмжээ, цагаан тоосны асуудлыг шийдвэрлэх гарц зэрэг таван чиглэлээр газар дээр нь танилцаж, тодорхой шийдвэр гаргасан байна. Энэхүү шийдвэр, хувилбаруудыг ирэх долоо хоногт Эрдэнэт үйлдвэрт болох зөвлөгөөнд танилцуулж, баталгаажуулах, төр, засгийн түвшинд баримтлах байр суурь, бодлогыг тодорхойлох юм байна.
Ажлын хэсгийн шийдвэрийг ирэх долоо хоногт болох зөвлөгөөнөөр баталгаажуулна
Б.Баттөгс
Зурагчин
Энэ мэдээ танд ямар санагдав?
0
0
0
0
0