Шинэ залуу ажилтнууддаа ажлын арга барилаас зааж сурган, туршлага мэдлэгээ өвлүүлэн үлдээх нь Хүний нөөц, захиргааны хэлтсээс үйлдвэрийн хэмжээнд хэрэгжүүлж буй “Залгамж” хөтөлбөрийн үндсэн зорилго юм. Энэ хүрээнд ахмад, залуу үеийнхний залгамж чанарыг бэхжүүлж, халамжлан хүмүүжүүлэх эргэх холбоог идэвхжүүлэхийн тулд туршлагатай болон залуу ажилтнуудын дунд багш шавийн гэрээ байгуулан ажиллах боломжийг хөтөлбөрийн явцад бүрдүүлж байна. Өнөөдөр Хүний нөөц, захиргааны хэлтсийн Дотоод зохион байгуулалт, албан хэрэг хөтлөлтийн албаны дарга Б.Мөнхцэцэг, бичиг хэргийн ажилтан Д.Ундрах-Эрдэнэ нар тус хэлтэст шинээр ажилд орсон Э.Цацрал, Ц.Гэрэл нартай багш шавийн гэрээнд гарын үсэг зурж, өөрсдийн ажлын байрны онцлог, мэдлэг туршлага, арга барилаа зааж, өвлүүлэхээ баталгаажууллаа. Түүнчлэн энэ үеэр Хүний нөөц, захиргааны хэлтсийн дарга О. Отгонбаяр багш шавь нарт амжилт хүсэхийн зэрэгцээ шинэ залуу ажилтнууд ажлын байртайгаа сайн танилцаж, санаачилгатай бүтээмжтэй ажилтан байхын төлөө үргэлж суралцаарай гэж уриалав.
Энэхүү үйл ажиллагаа нь тус хэлтсээс шинэ, залуу ажилтнууддаа зориулсан бүтээмжийн сургалтын үеэр боллоо. Сургалтаар хэлтсийн мэргэжилтнүүд, шинэ ажилтнуудад “Бүтээмжийн арга туршлага”, “Процессын сайжруулалтын талаар сайн санал гаргах”, “Супер 5 сайн үйлс”, “Change management group”, “Сайн санал”-ын программын талаар танилцуулж, мэдээлэл туршлагаасаа хуваалцлаа.
Хүний нөөцийнхөн залуу халаагаа бэлтгэнэ
Энэ мэдээ танд ямар санагдав?
4
0
1
0
0