Эрдэнэт үйлдвэрийн оны эхний хагас жилийн үйлдвэрлэл, эдийн засгийн үр дүн, үйл ажиллагааны тайлангийн хурал өнөөдөр эхэллээ. Үйлдвэрийн газрын бүтцийн цех, нэгжүүд үйлдвэрлэлийн үйл ажиллагаа, эдийн засгийн үзүүлэлт, үр ашиг, төлөвлөгөөний биелэлтийг улирал бүр иж бүрэн тайлагнадаг. Үйлдвэрийн хэмжээнд тайлангийн хурал зохион байгуулах тухай “Эрдэнэт үйлдвэр” ТӨҮГ-ын Ерөнхий захирлын 2023 оны 2 дугаар сарын 6-ны өдрийн А/62 тоот тушаалаар бүтцийн нэгжүүдийн үйл ажиллагааг хэлэлцэн, үр дүнг үнэлж, дүгнэх журмыг баталсан. Уг журмын дагуу оны нэгдүгээр улирал болон эхний 9 сарын тайланг цех нэгж дээр нь цомхон ажлын хэсэг хэлэлцэх бол хагас болон бүтэн жилийн үйл ажиллагааг өргөн бүрэлдэхүүнтэй ерөнхий ажлын хэсэг үнэлж дүгнэж байхаар заасан. Үүний дагуу үйлдвэрийн газрын нийт 34 бүтцийн нэгжийн эхний хагас жилийн үйл ажиллагааны тайланг нэгдсэн байдлаар дүгнэн, хэлэлцэж байна.
2023 оны эхний хагас жилийн тайлангийн хурал Ил уурхай, Баяжуулах үйлдвэр, Авто тээврийн цех зэрэг үйлдвэрлэлийн үндсэн цехүүдийн үйл ажиллагааг хэлэлцэж эхэлсэн бол Геологи хайгуулын экспедици, Чанарын хяналтын хэлтэс, Тээвэр ложистикийн төв, Холбоо, мэдээллийн технологи, автоматжуулалтын цех, Судалгаа, шинжилгээний хүрээлэн, Дулааны цахилгаан станц зэрэг үйлдвэрлэлийн цехүүд хагас жилийн ажлаа үргэлжлүүлэн танилцуулж байна. Үйлдвэрийн газрын оны эхний хагас жилийн үйлдвэрлэл, эдийн засаг, үйл ажиллагааны үр дүнг хэлэлцэн, дүгнэх хурал гурван өдөр үргэлжилж, баасан гаригт нийгмийн болон нийтлэг үйлчилгээний цехүүдийн үйл ажиллагааны тайланг хэлэлцсэнээр дуусах юм.
Нар минутад мандаж минутад жаргана.
Үс засуулвал: 
Суудал: 
