Монгол Улсын Баатар, Зууны манлай Эрдэнэт үйлдвэрээр овоглосон, шилдэг тэргүүний ажилтнуудад төрийн дээд одон, медаль гардуулах ёслол өнөөдөр боллоо. Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102, Орхон аймаг үүсэн байгуулагдсаны 47 жилийн ойн Үндэсний их баяр наадам, Эрдэнэт үйлдвэрийн түүхт 45 жилийн ойг тохиолдуулан тус үйлдвэрийн ажилтнуудыг Монгол Улсын Ерөнхийлөгчийн зарлигаар төрийн дээд одон, медалиар шагнасныг Орхон аймгийн Засаг дарга С.Батжаргал, "Эрдэнэт үйлдвэр" ТӨҮГ-ын Ерөнхий захирал Г.Ёндон, Ерөнхий инженер Т.Батмөнх ёслол хүндэтгэлтэйгээр гардуулав.
"Эрдэнэт үйлдвэр" ТӨҮГ-ын Баяжуулах үйлдвэрийн Эрчим зүйн товчооны дарга Ц.Намжилдорж, Хамтын ажиллагаа, нийгмийн харилцааны газрын Нийгмийн харилцааны албаны дарга Д.Өнөбат нарт Үндэсний их баяр наадмын өдөр Хөдөлмөрийн гавьяаны улаан тугийн одон хүртээлээ. 
Түүнчлэн, төрийн дээд шагнал “Алтан гадас” одонгоор "Эрдэнэт үйлдвэр " ТӨҮГ-ын Баяжуулах үйлдвэрийн Тээврийн машинч П.Эрдэнэ-Очир, Үйлдвэр техникийн товчооны дарга А.Машбаяр, Засварын хэсгийн ээлжийн мастер Х.Зоригт, Засварын хэсгийн дарга Д.Наранбаатар, Шүүн хатаах хэсгийн ээлжийн засварчин М.Гантөмөр, Бутлан тээвэрлэх хэсгийн ахлах механик З.Энхбаатар, Хамтын ажиллагаа, нийгмийн харилцааны газрын Нийгмийн харилцааны албаны эдийн засагч Б.Батзаяа, Баяжуулах үйлдвэрийн Хаягдлын аж ахуйн цахилгаан ба хийн гагнуурчин Л.Жаргалсайхан, Өөрөө нунтаглах хэсгийн дарга Р.Эрдэнэ-Очир, Нунтаглан баяжуулах хэсгийн тээрмийн машинч Ц.Ганзоригт, Хүний нөөц, захиргааны хэлтсийн Дотоод зохион байгуулалт, албан хэрэг хөтлөлтийн албаны дарга Б.Мөнхцэцэг, Засвар, механикийн заводын ахмад Г.Баярбат, Цахилгаан цехийн ахмад Ц.Баярсайхан, Д.Лхагва нарыг шагнасныг баярын мэндчилгээтэй хамтатган гардууллаа 
Мөн "Хөдөлмөрийн хүндэт медаль"-иар Хүний нөөц, захиргааны хэлтсийн мэргэжилтэн Р.Баярсайхан, мэргэжилтэн Ө.Цэрэнханд, Баяжуулах үйлдвэрийн баяжуулалтын инженер Б.Алтанцэцэг, Өөрөө нунтаглах хэсгийн бутлуурчин Б.Батболд, Өргөн тээвэрлэх машин механизмын хэсгийн засварчин Ж.Сайханзаяа, Хийн тоног төхөөрөмжийн ашиглалтын засварчин Н.Энхдүүрэн, Тэргүүлэх эрчим зүйч Я.Мягмарсүрэн, Цахилгаан цехийн инженер П.Наранцэцэг, ахмад С.Соёлтуяа нар энгэрээ мялаалаа. 
Улс орны хөгжил дэвшилд түүчээлэгч Эрдэнэт үйлдвэртэй ажил амьдралаа холбож, олон жил үр бүтээл, хувь нэмрээ зориулан ажиллаж, хөдөлмөр зүтгэлээ төр засагтаа үнэлүүлсэн ажилтнууддаа халуун баяр хүргэж, амжилт хүсэж буйгаа үйлдвэрийн удирдлагууд ёслолын ажиллагааны үеэр онцлон илэрхийлэв. 
Нар минутад мандаж минутад жаргана.
Үс засуулвал: 
Суудал: 
