“Эрдэнэт үйлдвэр” ТӨҮГ-ын Ерөнхий захиргааны 22 газар, хэлтэс нэгжийн ажилтнууд спортын дөрвөн төрлөөр өрсөлдөж байна. Өчигдөр тус тэмцээний нээлтийн үйл ажиллагаа болж, Ерөнхий захирал Г.Ёндон, Хамтын ажиллагаа, нийгмийн харилцааны газрын дарга Ц.Бат-Энх тэргүүтэй газар, хэлтсийн удирдлагууд оролцож, баг тамирчдад амжилт хүсэв. “Спортын наадам-2023” тэмцээнийг нээж, Ерөнхий захирал Г.Ёндон, “Зууны манлай үйлдвэрийг тасралтгүй найдвартай ажиллуулж, өдрөөс өдөрт хөгжүүлэн авч явахад тархи оюун, мэдлэг чадвараа зориулан, бодлого зорилтоо хэрэгжүүлэн ажилладаг Ерөнхий захиргааны газар, хэлтсүүд санаачлан, спортын уухай дор нэгдэж байгаад Ерөнхий захирлын хувьд баяртай хүлээн авч буйгаа илэрхийлье. Спорт бол баг хамт олныг нэгтгэх, бэхжүүлэх, харилцан бие биеэ дэмжин нөхөрлөхөд хамгийн зөв гарц, зам байдаг. Та бид ажил хэргийн албан харилцаанаас гадна нэг хамт олны нэгдмэл хүсэл мөрөөдөл, ялалт амжилтын төлөө хамтын хүч, эрмэлзэлтэй байх ёстой. Энэ утгаараа энэхүү спортын наадам бид бүгдэд урам зориг, итгэл хүндлэл өгсөн сайхан арга хэмжээ болно гэдэгт итгэл дүүрэн буйгаа илэрхийллээ.
Эрдэнэт үйлдвэрийн бүтэц 50 гаруй цех нэгжээс бүрддэг бөгөөд энэхүү “Спортын наадам-2023” тэмцээнд Ерөнхий захиргааны 22 газар, хэлтсийн ажилтнууд оролцож, хурд хүч, авхаалж самбаагаа сорьж байна. Нийтийн биеийн тамир спортыг хөгжүүлэх, үйлдвэрийн бүтцийн нэгжүүдийн хамтын ажиллагаа, хоорондын уялдаа холбоог сайжруулах, нөхөрсөг харилцааг бэхжүүлэх, спортоор хичээллэхийн ач тусыг сурталчлах уриатай “Спортын наадам-2023” тэмцээн дартсын төрлөөр эхэлсэн бол өчигдөр волейболоор үргэлжиллээ.
Дартсын тэмцээнд газар хэлтсүүд 8 баг болон оролцсоноос Дотоод хяналт, мониторингийн хэлтэс, Барилга байгууламж, хяналт төлөвлөлтийн хэлтсийн хамтарсан 8-р баг түрүүлж, ХОХААБГ, Хамтын ажиллагаа, нийгмийн харилцааны газар, Гадаад харилцаа, экспортын хэлтсийн хамтарсан 3-р баг дэд байр, Үйлдвэрлэл-техникийн бодлого, төлөвлөлтийн газар, Механикийн хэлтэс, Санхүү, нягтлан бодох бүртгэлийн хэлтсийн хамтарсан 2-р баг гутгаар байрыг тус тус эзэлсэн байна. Харин волейболын тэмцээний тэргүүн байранд Дотоод хяналт, мониторингийн хэлтэс, Барилга байгууламж, хяналт төлөвлөлтийн хэлтсийн хамтарсан 8-р баг шалгарч, удаах байрыг Хүний нөөц, захиргааны хэлтэс, Геологи, маркшейдерийн хэлтэс, Үйлдвэрлэлийн хэлтсийн хамтарсан 7-р баг, гутгаар байрыг ХОХААБГ, Хамтын ажиллагаа, нийгмийн харилцааны газар, Гадаад харилцаа, экспортын хэлтсийн хамтарсан 3-р баг тус тус хүртлээ.
“Спортын наадам-2023” тэмцээн өнөөдөр сагсан бөмбөгийн төрлөөр үргэлжилж, ирэх бямба гаригт хөгжилтэй буухиа тэмцээнээр үргэлжлэн, дүнгээ гаргах юм.
Нар минутад мандаж минутад жаргана.
Үс засуулвал: 
Суудал: 
