Хөгжлийн 45 жилийн түүхтэй “Эрдэнэт үйлдвэр” ТӨҮГ-т олон жил ажилласан дадлага туршлагатай, ачааны хүндийг үүрдэг үнэ цэнтэй ажилтнууд жилээс жилд "гавьяа"-ндаа гарч, залуучууд болон дээд боловсролтой ажилтны тоо 30 гаруй хувиар нэмэгдэж, нийт ажилтны 70 хувийг залуус бүрдүүлж байгаа нь залгамж халааг бэлтгэх, улмаар үйлдвэрлэлийн тасралтгүй, найдвартай ажиллагааг хангахад хүний нөөцийн өөрчлөлтийн цаг үед анхаарал хандуулах шаардлагатайг харуулж байгаа юм. Эрдэнэт үйлдвэрт 20-иос дээш жил ажиллаж буй мэргэжилтнүүдийг хамруулсан “Залгамж үеэ бэлтгэж, өөрийгөө хөгжүүлье” сэдэвт сургалт өнөөдөр боллоо.
Сургалтын эхэнд Хүний нөөц, захиргааны хэлтсийн дарга О.Отгонбаяр хүний нөөцийн бодлого, хөтөлбөрүүдийн талаар товч танилцуулж, туршлагатай ажилтнуудын мэдлэг, ур чадвар, зөв дадал, харилцаа хандлага, ажлын арга барилыг залуучуудад өвлүүлэх, байгууллагын соёлыг түгээн дэлгэрүүлэхэд 20-иос дээш жил ажиллаж буй үнэ цэнтэй ажилтнуудын үүрэг чухал болохыг онцолсон. Мөн Баяжуулах үйлдвэрийн Хүний нөөцийн товчооны дарга Т.Тунгалагтамир хүний нөөцийн “Залгамж” хөтөлбөрийн танилцуулга хийж, энэхүү хөтөлбөр, сургалт амжилттай хэрэгжсэнээр хувь хүн дараагийн амьдралын зорилгоо тодорхойлно, залгамж холбоо бүрдэнэ, байгууллагын соёл уламжлагдана, хамт олны дунд эерэг хандлага төлөвшинө, богино хугацаанд чадварлаг хүний нөөцийг бэлтгэнэ гэх мэт олон давуу тал, үр дүн гарна гэдэгт итгэлтэй байгаагаа илэрхийлсэн юм. Энэ өдөр Сэтгэл судлалын Үндэсний төвийн Гүйцэтгэх захирал, багш Б.Ууганцэцэг, Сэтгэл судлаач Г.Золжаргал нар Сэтгэл зүйн эрүүл мэнд-амьдралын чанар, зорилгоо тодорхойлох лекц ярилцлага хийж, туршлагатай ажилтнууд “Залгамж үеэ бэлтгэхэд таны оролцоо яагаад чухал вэ” сэдвээр “Эрдэнэт цогцолбор” дээд сургуулийн Хүмүүнлэгийн ухааны тэнхимийн ахлах багш, сэтгэл судлаач Б.Уламбаярын илтгэлийг сонсож, өөрийгөө хөгжүүлэхэд суралцлаа.
Нар минутад мандаж минутад жаргана.
Үс засуулвал: 
Суудал: 
