Хариуцлагатай уул уурхай, хот хоёр хамтдаа хөгжиж ирсэн хамгийн тод, бодит жишээ бол Эрдэнэт хотын үүх түүх. “Эрдэнэт үйлдвэр” ТӨҮГ-ын Ерөнхий захирал Г.Ёндон илтгэлдээ ингэж онцлов. Харин энэхүү хамтын хөгжил цаашид хэрхэн өрнөж, илүү тод томруунаар үргэлжлэх боломж, хэтийн зорилго зорилтын тухай хэлэлцсэн нь “Эрдэнэтэд хамтдаа хөгжье-2023” эдийн засгийн форумын нэгэн онцлох ач холбогдол байлаа.
Орхон аймаг, хоёр жил тутамд зохион байгуулдаг эл чуулган энэ удаа Орхон аймаг, Эрдэнэт хотын гадаад хамтын ажиллагааг шинэ шатанд гаргах, хөрөнгө оруулагчдыг татах, бизнес эрхлэгчдийг дэмжих, бизнесийн таатай орчин, боломжийг бий болгох, гарц шийдэл эрэлхийлэхэд чиглэв.
Энэ хүрээнд Эрдэнэт үйлдвэрийн өчигдөр, өнөөдөр, маргаашийн төлөв хэрхэн харагдаж буйг Ерөнхий захирал Г.Ёндон “Эрдэнэт үйлдвэр ТӨҮГ-ын өнгөрсөн, одоо ба ирээдүйн хөгжил”, тус үйлдвэрийн “Ногоон хөгжил” төслийн нэгжийн дарга Я.Ариунзул “Тэрбум мод үндэсний хөдөлгөөний эдийн засгийн ач холбогдол”, Үйлдвэрлэл, технологийн парк” төслийн нэгжийн дарга Б.Алтангэрэл “Эрдэнэт үйлдвэр ТӨҮГ-ын Үйлдвэрлэл, технологийн парк” сэдэвт илтгэлүүддээ тодорхой дурьдаж, Эрдэнэт үйлдвэрийн алсыг харж, хэтийг зурагласан төсөл хөтөлбөр, бодлого чиглэлийг танилцууллаа.
Түүнчлэн “Эрдэнэтэд хамтдаа хөгжье” хөтөлбөрийн хүрээнд хэрэгжих бодлогын баримт бичгийн төсөл хэлэлцүүлэгт Эрдэнэт үйлдвэрийн сайн туршлага, нийгмийн хариуцлагын манлайлал, эдийн засгийн үр өгөөжийн талаар санал бодлоо хэлж, харилцан ярилцав.
Тус форумын үеэр Орхон аймгийн Засаг Даргын Тамгын Газар, БНСУ, Төгөл групп болон бизнесийн төлөөллүүд хамтын ажиллагааны санамж бичиг байгуулж, барилга, хүнс хөнгөн үйлдвэр, биотехнологи, технологи хөгжүүлэлт, эрчим хүчний чиглэлээр хэрэгжүүлж буй төслүүдийн танилцуулга, бүтээгдэхүүний үзэсгэлэн зохион байгуулагдлаа.
Нар минутад мандаж минутад жаргана.
Үс засуулвал: 
Суудал: 
