“Эрдэнэт үйлдвэр” ТӨҮГ-ын дэргэдэх Орос 12-р цэцэрлэгийн төгсөгчдийн баяр саяхан боллоо. 2022-2023 оны хичээлийн жилд дөрвөн бүлгийн 100 орчим хүүхэд тус цэцэрлэгийг амжилттай төгсөж, дараагийн шатны боловсролын байгууллага болох Орос 19-р сургуульд элсэн суралцахаар бүртгүүлсэн байна. Эрдэнэт үйлдвэртэйгээ эн чацуу, 45 жилийн түүхтэй орос 12-р цэцэрлэг ийнхүү 4000 гаруй төгсөгчтэй болжээ. Шавь нар нь дэлхийн өнцөг булан бүрд амьдарч, суралцаж, эх орны ирээдүйг бүтээлцэж яваад багш нар нь талархаж явдгаа төгсөлтийн баярын үеэр онцолсон юм.
Нийгмийн цехүүдийн үйл ажиллагааг олон нийтэд сурталчлах аяны хүрээнд Орос 12-р цэцэрлэг эцэг эх, асран хамгаалагчдын сэтгэл ханамжийг дээшлүүлэх зорилгоор “Хүүхдийн сайн сайхны төлөө” уриатай олон үйл ажиллагаа зохион байгуулсны нэг нь Төгсөгчдийн баяр байв. Сургуулийн өмнөх боловсролоо бүрэн эзэмшээд сургуульд орохоор яарч буй бяцхан шавь нараа багш нь сурлагын амжилт ерөөж үдсэн юм.
Нар минутад мандаж минутад жаргана.
Үс засуулвал: 
Суудал: 
