Москва хотноо болсон Оросын нэрт хөгжмийн зохиолч И.Дунаевскийн нэрэмжит Олон улсын дуулаачдын XII удаагийн уралдаанд "Эрдэнэт үйлдвэр" ТӨҮГ-ын Соёл, урлагийн цогцолборын гоцлол дуучин, Монгол Улсын Соёлын Тэргүүний ажилтан Даваасүрэнгийн Дагвадорж тэргүүн байр эзэлсэн.
Тэрээр тус уралдааны 35-аас дээш насны ангилалд “Сонгодог дуурь", "Эстрадын дуу", "Эх орны сэдэвт эстрад дуу" төрөлд тус тус тэргүүн байр эзлээд зогсохгүй Исаак Дунаевскийн урын сангийн "Шилдэг дуучин”, С.Рахманиновын урын сангийн "Шилдэг дуучин”-ны шагнал хүртээд удаагүй байсан юм.
Дуучин Д.Дагвадорж энэ удаа ОХУ-ын Ерөнхийлөгчийн дэргэдэх Соёлын санаачлагыг дэмжих сангийн дэмжлэгтэйгээр хэрэгжүүлж байгаа "Ангажемент" Олон улсын дуурийн дуулаачдын уралдаанд Тэргүүн байр эзэллээ. Тус уралдааны эхний шатанд ОХУ-ын болон гадаадын гоцлол дуучид, "дуулах эрдмийн" мэргэжлээр суралцаж буй эсвэл сургуулиа төгссөн хөгжмийн тусгай сургууль болон их, дээд сургуулийн оюутнууд, дуурийн дуулаач мэргэжлээр урлагийн их, дээд төгсөгч гээд 150 дуучин оролцжээ.
Гурван үе шаттай явагдсан уг уралдааны финалд 42, Гала тоглолтод 13 дуучин шалгарснаас Д.Дагвадорж ийн ялагч болов. Энэ үеэр Астрахань, Магадан, Ростов, Татарстан, Рязань, Красноярск, Самара, Воронежийн дуурь бүжгийн эрдмийн театруудад дүр бүтээх урилга ялагчдад гардуулсан байна.
Д.Дагвадоржийг " Ангажемент" уралдаанд оролцох үеэр "Эрдэнэт үйлдвэр" ТӨҮГ-ын Москва хот дахь төлөөлөгчийн газрын дарга Ш.Түмэнбаяр, менежер Д.Ариунболд, Л.Алтангэрэл нар, ОХУ-ын Москва хотноо эрчим хүчний салбарын докторантад суралцаж буй Д.Амармөрөн, магистрант Х.Очхүү , санхүүгийн магистрант Ө.Чулуун-Эрдэнэ, Москвагийн Плехановын санхүү- эдийн засгийн их сургуулийн оюутан М.Гиваан мөн П.И.Чайковскийн консерваторын хөгжмийн зохиолчийн ангийн магистрант, хөгжмийн зохиолч Б.Энхбаяр нар дэмжиж урмаар тэтгэсэнд талархаж буйгаа Эрхэм дуучин маань уламжиллаа.
Монгол Улсын Соёлын Тэргүүний ажилтан Д.Дагвадорж нь 2019 онд Оросын холбооны Буриад улсад зохиогдсон Олон улсын дуурийн дуулаачдын III уралдааны тэргүүн байр, 2020 онд ЗХУ-ын Ардын жүжигчин, ОХУ-ын Төрийн шагналт Лхасаран Линховоины нэрэмжит Олон улсын дуурийн дуулаачдын XIII уралдааны Гран при, 2020 онд Итали улсын Неаполь хотноо болсон Энрико Карузогийн нэрэмжит Олон улсын дуурийн дуулаачдын “Vencero-2021” уралдааны шилдэг дуучин, ЗХУ-ын Ардын жүжигчин К.И.Базарсадаевын нэрэмжит Олон улсын дуурийн дуулаачдын “Эрэгтэй дуу хоолой-2022” VI уралдааны тэргүүн байр, Бүгд Найрамдах Болгар улсын Пловдив хотноо зохион байгуулагдсан Камен Чаневын дурсгалд зориулсан Олон улсын дуурийн дуулаачдын “The Voice of Kamen-2022” анхдугаар уралдааны тусгай байр, 2023 оны нэгдүгээр сард ОХУ-д зохиогдсон Хибла Герзмавагийн нэрэмжит Олон улсын дуурийн дуулаачид болон концертмейстеруудын I уралдааны “Дуурийн шилдэг дуулаач”-ын шагнал хүртэж байсан юм.
Нар минутад мандаж минутад жаргана.
Үс засуулвал: 
Суудал: 
