Тээвэр, ложистикийн төвийн ажилтнуудын урлагийн тэмцээн өнгөрсөн бямба гарагт Соёл, урлагийн цогцолборт боллоо. Энэ нь түүхт 45 жилийн ойгоо угтаж, Урлагийн наадам зохион байгуулах бэлтгэл, шинэ ажилтнуудынхаа авьяасыг тодруулах зорилготой аж. Тэд зургаан баг болж гоцлол дуу, дуэт дуу, хоор дуу, вальс, чөлөөт бүжиг, хөгжмийн үзүүлбэрээр өрсөлдөв.
Тэмцээний тэргүүн байрт М.Мөнхбаяр ахлагчтай “Number one” баг түрүүлж, Д.Гантулга ахлагчтай “Star” баг дэд байр эзлэв. Тэмцээнийг цехийн ажилтнууд, тэдний гэр бүлийнхэн ирж, үзэж сонирхсон юм. Энэхүү тэмцээнийг Соёл, урлагийн цогцолборын хөгжмийн удирдаач, Урлагийн гавьяат зүтгэлтэн Б.Цэрэндондов, найрал дууны багш Б.Нарантуяа, бүжиг дэглээч Х.Эрдэнэбаяр нар шүүн явууллаа.
Тээвэр, ложистикийн төвийн жирийн ажилтан “Хаан” хуураар Бетховены К-Элизе эгшиглүүлж, амьд хөгжмийн хамтлаг байгуулан дуулж доргион, мөн ардын орчин үеийн бүжиг бүжиж үзэгч, хамт олон, гэр бүлийнхнийхээ сэтгэлийг хөвсөлзүүлжээ.