Эрдэнэт үйлдвэрийн ахмад, Уулын спортын Олон улсын хэмжээний мастер Ч.Тэрбиш Ази номхон далайн орнуудын спортын хоёрдугаар их наадамд амжилттай оролцоод иржээ. Тэр хөнгөн атлетикийн 55-59 насны ангиллын дүүгүүр шидэлтийн тэмцээнээс алт, зээрэнцэг шидэлтээс мөнгө, бөөрөнцөг түлхэлтийн төрлөөр хүрэл медаль хүртсэн байна. “Спорт бүх нийтийн төлөө” хэмээх олимпын философийг сурталчлан таниулах, бүх нийтийн спортыг дэмжих зорилготой явагдсан уг их наадамд дэлхийн 71 орны 14000 орчим тамирчин спортын 25 төрлөөр өрсөлджээ. Манай улсаас 381 тамирчин 16 төрөлд өрсөлдсөн байна. Мастеруудын наадамд олимп, тив, дэлхийн аваргын тэмцээнд оролцож байсан, мэргэжлийн тамирчид, мөн зодог тайлсан тамирчид оролцох эрхтэй. Харин энэхүү их наадамд 30-аас дээш насны спортод дуртай хэн ч нээлттэй оролцох боломжтой аж. Энэ нь хичээллэдэг спортоороо өөрийгөө сорих боломжийг олгосноороо онцлогтой сайхан байлаа гэж ОУХМ Ч.Тэрбиш ярилаа.
2023-10-03
Билгийн тооллын 19
Нар 06:53 минутад мандаж 18:29 минутад жаргана.
Үс засуулвал: Сайн нөхөртэй нөхөрлөнө
Суудал: Мод
