“Эрдэнэт үйлдвэр” ТӨҮГ-ийн Баяжуулах үйлдвэр болон Засвар, механикийн заводын бүтээмжийн зөвлөл хамтран бүтээмж чанарын дугуйлангууд тэргүүн туршлагаа хуваалцах, харилцан мэдлэгээ солилцоход чиглэсэн “Мэдлэг хуваалцах өдөрлөг”-ийг саяхан зохион байгууллаа.
Энэхүү өдөрлөгт тус цехүүдийн бүтээмж, чанарын дугуйлангийн 30 ахлагч хамрагдсан байна. Өдөрлөгөөр тэд Баяжуулах үйлдвэрийн Өөрөө нунтаглах хэсэг, Нунтаглан баяжуулах хэсгийн “Төслийн баг”, Шүүн хатаах хэсгийн “Гэрэл”, Хаягдлын аж ахуйн хэсгийн “Сэргээш”, Засвар, механикийн заводын Механик цехийн “Бүтээлч”, “Эрч хүч”, “Бид чадна”, Цутгуурын цехийн “Хөдөлмөр”, ”Ус-Эрдэнэ”, ”Эрчим” дугуйлангуудын ажлын байранд очиж, хэрэгжүүлсэн төслүүдтэй танилцсан юм.
Үйлдвэрлэлийн бүтээмж ба чанарын сайжруулалт, зардал ба цаг хугацааны хэмнэлт, ажил үйлчилгээ, мэдээллийн хурд, оновчтой шийдвэр гаргах зэрэг нь тухайн байгууллагад давуу тал нь бий болгож, ирээдүйн боломжуудыг тодорхойлдог. Иймд орчин үеийн байгууллагууд илүү хүчирхэгжиж, үйл ажиллагаагаа амжилттай явуулахын тулд бүтээмж, чанарыг дээшлүүлэхэд онцгой анхаардаг болсон. Иймээс ч Эрдэнэт үйлдвэрийн цех нэгжүүд бүтээмж чанарын дугуйлангуудаа чадавхжуулах, ажилтнуудын бүтээлч сэтгэлгээг хөгжүүлэхэд чиглэсэн олон ажил зохион байгуулдаг юм.
Нар минутад мандаж минутад жаргана.
Үс засуулвал: 
Суудал: 
