“Эрдэнэт үйлдвэр” ТӨҮГ-ын Засвар, механикийн заводод эрчим хүчний зарцуулалт, үр ашигт байдалд ХБНГУ-ын "Schneider Electric" компанийн эрчим хүчний дөрвөн аудитор энэ сарын эхний хагаст хэмжилт, мониторинг хийлээ. Үүнийг “Эрдэнэт үйлдвэр” ТӨҮГ, "Schneider Electric" Mongolia ХХК-ийн хамтын ажиллагааны санамж бичгийн хүрээнд хийж буй аж.
“Энэ хүрээнд заводын эрчим хүч, цахилгаан хангамжийн ашиглалт, хүчин чадал ихтэй том оврын технологийн болон эрчим хүчний тоног төхөөрөмжүүдэд хэмжилт, үзлэг хийхийн зэрэгцээ технологийн процесст ашиглагддаг даралтат хийн зарцуулалт, технологийн усны хэрэглээ, цутгуурын үйлдвэрлэлийн утаа, тоос цэвэрлэх байгууламжийн ашигт ажиллагаанд үзлэг, хэмжилт хийсэн. Ингэснээр Засвар, механикийн заводын тоног төхөөрөмжүүдийн ашиглалтыг сайжруулах, төлөвлөлтийг зөв хийх, хэрэглээг оновчилсноор цахилгаан эрчим хүчний найдвартай ажиллагаа дээшилж, хэмнэлт гарах өндөр ач холбогдолтой юм. Цахилгаан эрчим хүчний аудитыг эрчим хүчний чиглэлээр дэлхийд танигдсан аудитын компани хийж зөвлөмж, дүгнэлт гаргаж байгаа нь манай үйлдвэрийн хувьд анхных юм. Үйлдвэрийн газрын бүтцийн нэгжүүдээс Засвар, механикийн заводыг сонгон авч уг ажлыг хэрэгжүүлж байгаа нь манай заводын хувьд нэн чухал үйл ажиллагаа боллоо” гэж Засвар, механикийн заводын Тэргүүлэх эрчим зүйч Б.Хишигсүрэн мэдээллээ.
Нар минутад мандаж минутад жаргана.
Үс засуулвал: 
Суудал: 
