Станцын үндсэн тоног төхөөрөмжүүд засварт оржээ

      Эрдэнэт үйлдвэрийн Дулааны цахилгаан станц үйлдвэрлэлийн төлөвлөгөөт бүх үзүүлэлтийг 100 давсан хувиар биелүүлсэн амжилттайгаар өвлийн их ачааллыг давж, ирэх жилийн өвлийн бэлтгэлдээ хэдийнээ оржээ. Одоогоор станц дөрвөн трубин, гурван зуухны горимоор ажиллаж байна. Техник ашиглалтын дүрэмд заасны дагуу төлөвлөгөөт их засварын ажлууд эхэлсэн явна. Энэ жилийн хувьд 1, 3, 4 дүгээр трубин их засварт орох ёстойгоос саяхан 4 дүгээр трубины их засвар дуусаж, 72 цагийн туршилт амжилттай явагдсанаар байнгын ашиглалтад хүлээн аваад ажиллаж байна. Харин 3 дугаар трубиныг өнгөрсөн пүрэв гарагт их засварт оруулжээ. Их засварын ажлыг өндөр хүчин чадлын трубины засвараар мэргэшсэн “Эрчим маш” компани гүйцэтгэж, 6-р сарын 10-ны дотор ашиглалтад оруулахаар шамдаж байна. Үүний дараа 1 дүгээр трубин их засварт орж, зогсох юм. Энэхүү ажлыг “Их, бага хонгор” компани тендерт ялж гүйцэтгэхээр болжээ. Төлөвлөгөөт их засварын ажлууд цаг хугацаандаа амжилттай хийгдсэнээр цахилгаан эрчим хүч үйлдвэрлэх найдвартай ажиллагаа бүрэн хангагдах юм. Түүнээс гадна Эрдэнэт үйлдвэрийн “их зогсолт”-ын үеэр IV цахилгаан станц дагаж их зогсолт хийж, засвар үйлчилгээний ажлаа амжуулдаг. Харин энэ үеэр Эрдэнэт үйлдвэрийн Дулааны цахилгаан станц бүрэн хүчин чадлаараа ажиллаж, эрчим хүчний нэгдсэн системийн ачааллаас хуваалцана.