“Бүх нийтийн мод тарих” үндэсний өдөр 5 дугаар сарын 13,14-ний амралтын өдрүүдэд тохиож байна. Эрдэнэт үйлдвэрийнхэн энэ хаврын мод тариалалтаар Хаягдлын аж ахуйн 4.5 га талбайд 500 мянган ширхэг мод тарьж, суулгахаар төлөвлөсөн. Эхний өдөр тус үйлдвэрийн нийгмийн цехийн 978 ажилтан Хаягдлын аж ахуйд урьдчилан төлөвлөж, бэлтгэсэн газруудад хуваарийн дагуу 250 мянган ширхэг мод тариалж, бут суулгалаа. Хаврын мод тариалалтын өдрийг нээж, “Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны газрын дарга Ц.Бат-Энх, Ногоон хөгжлийн төслийн нэгжийн дарга Я.Ариунзул нар мод тарих ажилд идэвхтэй оролцож буй нийт ажилтнууддаа талархал илэрхийлэхийн зэрэгцээ өөрсдөө мод тариалалтад нэгдсэн юм.
Уурхайчид энэ удаа 2023 онд үрээр болон суулгацаар мод тарих төлөвлөгөөнөөсөө гадна өмнөх оны нөхөн тариалалт хийж, арчилгаа тордолгоог үргэлжлүүлж байна. Өнгөрсөн онд тарьсан үр одоо жигд сайхан соёолж, ургасан. Хамгийн гол нь бид модоо тариад орхих биш, ургах нөхцөл боломж, зөв арчилгааг тасралтгүй хийж, ойн мэргэжилтнүүдийн заавар зөвлөгөөний дагуу хамтран ажиллахыг зорьж байгаа гэж Я.Ариунзул дарга энэ үеэр онцолсон. Хаврын мод тариалалтыг нийгмийн цехийн ажилтнууд эхлүүлсэн бол маргааш буюу 5 сарын 14-нд Эрдэнэт үйлдвэрийн үйлдвэрлэлийн цех нэгжийн 600 орчим ажилтан Хаягдлын аж ахуйд шар хуайс, улиас үргэлжлүүлэн тарих юм.
Монгол улсын Ерөнхийлөгчийн санаачилгаар орон даяар өрнөж буй “Тэрбум мод” үндэсний хөдөлгөөнд Эрдэнэт үйлдвэр манлайлан нэгдэж, ирэх 10 жилд 100 сая мод тарьж ургуулах зорилт дэвшүүлсэн. Энэ хүрээнд Ногоон хөгжлийн төслийг хэрэгжүүлж, ойн генетикийн нөөцийн “Эрдэнэт” төв байгуулан ажиллаж байна. Ингэснээр мод тарьж, үржүүлэх, ойжуулах ажлыг шинжлэх ухаанч, цогц байдлаар хөгжүүлэх шинэ жишиг тогтоож байгаа юм.
Нар минутад мандаж минутад жаргана.
Үс засуулвал: 
Суудал: 
