Засвар, угсралтын цех 2023 онд 13 тэрбум 123 сая төгрөгийн ажил үйлчилгээ гүйцэтгэхээр төлөвлөн, эхний улиралд төлөвлөгөөт үзүүлэлтээ 101 хувиар биелүүлсэн амжилттай ажиллаж байна. Сүүлийн үед үйлдвэрийн томоохон бүтээн байгуулалт, тоног төхөөрөмжийн шинэчлэлийн ажилд оролцож бүтээмж өндөр ажиллаж байгааг Засвар, угсралтын цехийн дарга Х.Баяраа онцлов.
Нэгдүгээр улиралд тус цехийн засварчид Баяжуулах үйлдвэрийн Өөрөө нунтаглах хэсгийн ММС 1-р тээрмийн өндөр хүчдэлийн давтамж хувиргагч хөдөлгүүр солих, Хаягдлын аж ахуйд 18000 м3 цагийн хүчин чадалтай насос суурилуулах, Нунтаглан баяжуулах хэсгийн 1А тээрмийг шинэчлэн солих зэрэг олон ажлыг чанартай хийжээ. Одоо тэд Шүүн хатаах хэсэгт зэсийн баяжмалын хуучин даралтат шүүлтүүрийг Япон улсын “MDGC-H1500x94” маркийн даралтат шүүлтүүрээр солих ажлыг гардан гүйцэтгэж байна. Одоогоор буулгалтын ажил явагдаж байгаа бөгөөд удахгүй металл хэсгийн угсралт эхэлнэ гэж цехийн дарга ярилаа. Тоног төхөөрөмжийн шинэчлэлийн хүрээнд цахилгааны шугам солих ажлыг тэд анх удаа бие даан гүйцэтгэж байгаа нь онцлог юм. Хуучинтай харьцуулахад овор хэмжээ том, хүчин чадал өндөр шинэ даралтат шүүлтүүр суурилуулах ажил 6-р сарын 15 хүртэл үргэлжлэх төлөвлөгөөтэй ч Засвар, угсралтын цехийнхэн хугацаанаас нь өмнө ашиглалтад хүлээлгэн өгөхөөр шамдаж байна.
Нар минутад мандаж минутад жаргана.
Үс засуулвал: 
Суудал: 
