Оны эхний дөрвөн сарын байдлаар Эрдэнэт үйлдвэр 220 мянган тонн зэсийн баяжмал дэлхийн зах зээлд нийлүүлж, төлөвлөгөөг 103 хувиар биелүүлэн ажиллалаа. Мөн хугацаанд 2,382 тонн молибдены баяжмал экспортолж, ачилтын төлөвлөгөөг 120 хувиар биелүүлэв. Ингэснээр борлуулалтын орлогын төлөвлөгөөг 118 хувиар биелүүлжээ. Энд олон улсын зах зээлд зэс, молибдены үнэ өссөн, мөн үйлдвэрлэл, борлуулалтын үйл ажиллагааг амжилттай зохион байгуулсан нь чухал үүрэг гүйцэтгэсэн гэж мэргэжилтнүүд үзэж байна.
“Эрдэнэт үйлдвэр” ТӨҮГ үйлдвэрлэсэн зэс, молибдены баяжмалаа АНУ, БНХАУ, Швейцар, Өмнөд Солонгос, Хонг Конг, Cингапур зэрэг улс оронд бүртгэлтэй худалдааны томоохон компаниудтай гэрээ байгуулан зэсийн баяжмалаа БНХАУ, молибдены баяжмалаа БНХАУ, Өмнөд Солонгос, Тайланд улсын зах зээлд нийлүүлдэг. Гадаад харилцаа, экспортын хэлтэс төлөвлөгөөнөөс илүү үйлдвэрлэсэн зэс, молибдены баяжмалыг худалдан авагч компаниудтай цаг алдалгүй хэлцэл хийж, ачилтын хуваарийг өөрчлөн тохиролцох замаар нийлүүлэлтийг шуурхай зохион байгуулан ажиллажээ. Мөн зэс болон молибдены баяжмал худалдах, худалдан авах гэрээний нөхцөлийг олон улсын жишигт нийцүүлэн сайжруулах, экспорт, борлуулалтын үйл ажиллагаа, баримт бичгийн боловсруулалтыг хөнгөвчлөх, цахим бүртгэлийн шинэ систем нэвтрүүлэх зэрэг олон ажил санаачлан хэрэгжүүлж байна. Түүнээс гадна баяжмалын чанарыг олон улсын зах зээлд хүлээн зөвшөөрүүлж, экспортлох боломжийг бүрдүүлэх зорилгоор Лондоны Металлын биржид бүртгэлтэй олон улсын хөндлөнгийн хяналтын байгууллагуудтай хамтран ажиллаж байна гэж Гадаад харилцаа, экспортын хэлтсийн дарга Я.Пүрвээ ярилаа.
Тус хэлтэс нь зэс, молибдены баяжмалыг олон улсын зах зээлд үр ашигтай борлуулах, орлогыг цаг хугацаанд нь татан төвлөрүүлэх, экспортын бүтээгдэхүүний ачилт, тээвэрлэлтийг зохион байгуулах, гадаад улс орнуудын харилцагч нартай шууд холбоо тогтоох, хамтын ажиллагааг өргөжүүлэх, металлын зах зээлийн судалгаа, шинэ техник, технологийн талаарх мэдээ мэдээллээр ханган ажиллаж байна.
Нар минутад мандаж минутад жаргана.
Үс засуулвал: 
Суудал: 
