Австрали-Монголын Эрдэс баялгийн салбарын хамтын ажиллагааны хөтөлбөр 2-ын зүгээс Уул уурхай, хүнд үйлдвэрийн яам, Монголын Уул уурхайн үндэсний ассоциаци, “Эрдэнэт үйлдвэр” ТӨҮГ болон хангайн бүсийн бусад төр, хувийн хэвшлийн оролцогч талуудтай хамтран “Хариуцлагатай уул уурхай” өдөрлөгийг анх удаа зохион байгуулж байна. Орон даяар явагдах энэхүү өдөрлөгийн эхнийх буюу Хангайн бүсийн уурхайчдын чуулган өнөөдөр Эрдэнэт хотод эхэллээ.
Чуулганыг нээж, Ашигт малтмал, газрын тосны газрын дарга Л.Баярмандал үг хэлэхдээ, Эрдэс баялгийн салбарын ашиг тус, үр нөлөөллийг оролцогч талуудад зөв мэдээлэл хүргэх, хариуцлагатайгаар үйл ажиллагаа явуулж буй уул уурхайн төслүүдийг олон нийтэд таниулах, сайн туршлага хуваалцах замаар оролцогч талуудын хамтын ажиллагааг сайжруулахад энэхүү өдөрлөгийн зорилго оршиж байгааг онцлоод шинэ зуунд уул уурхайн салбараа хөгжүүлэхэд томоохон түлхэц үзүүлэх чуулганы үйл ажиллагаанд амжилт хүслээ.
Энэ өдөр хангайн бүсийн уурхайчид, илтгэгчид төрөөс баримталж буй бодлого, хэрэгжилт, олон улсын болон дотоодын нөхцөл, уул уурхайн ил тод байдал, байгаль орчин, орон нутгийн харилцаан дахь санал санаачилга зэргийг хэлэлцэх юм.
Чуулга уулзалтад Улаанбаатар хот, Орхон, Хөвсгөл, Архангай, Булган, Өвөрхангай, Баянхонгор аймагт хайгуул, олборлолтын үй ажиллагаа явуулж буй компани, тухайн аймгуудын төр, иргэний нийгмийн байгууллагын төлөөллүүд, иргэдээс бүрдсэн 400 гаруй оролцогч уул уурхайн үйл ажиллагааг хэрхэн зөв хэрэгжүүлэх талаар санал бодол, байр сууриа илэрхийлэн оролцож байна.
Энэ үеэр “Эрдэнэт үйлдвэр” ТӨҮГ-ын Ерөнхий захирал Г.Ёндон “Дэлхийн улс орнуудын эдийн засаг хөгжихийн хэрээр байгаль орчныг хамгаалах, уур амьсгалын өөрчлөлтийг багасгах зорилт хүн төрөлхтний өмнө тулгарч байна. Улс орнуудын хөгжил уул уурхайн салбараас маш их хамааралтай болсон энэ цаг үед тулгамдсан асуудлыг шийдвэрлэх гарц нь аль ч улсын хувьд хариуцлагатай уул уурхайг хөгжүүлэх болж байна. Өөрөөр хэлбэл хариуцлагатай уул уурхай, байгаль дэлхий болон хүн төрөлхтний хөгжил хоёрын тэнцвэрт байдлыг хадгалах хэрэгтэй. Хариуцлагатай уул уурхай эрхэлж байгааг ямар шалгуураар хэмжиж, ямар шаардлагуудыг хангаж байгааг үнэлэх асуудал чухал. Хариуцлагатай уул уурхай хөгжүүлэх асуудал нь хүний эрхийг хамгаалсан, байгаль орчинд ээлтэй, эдийн засгийн үр ашигтай байх гэх мэт тулгуур зарчмуудад үндэслэсэн байх ёстой”-г цохон тэмдэглэсэн юм.
Мөн чуулганы хөтөлбөрт Ашигт малтмалын тухай хуулийн шинэчилсэн найруулгын төслийн хэлэлцүүлэг багтжээ. “Хариуцлагатай уул уурхай” өдөрлөг бүтэн өдрийн турш үргэлжилж, өнөөдөр 18:00 цагт өндөрлөнө.
Нар минутад мандаж минутад жаргана.
Үс засуулвал: 
Суудал: 
