Сүүлийн үед дэлхий нийтэд хурдацтай хөгжиж буй корнхол спортын анхдугаар тэмцээн өнгөрсөн бямба гаригт Эрдэнэт үйлдвэрийн Спорт цогцолборт боллоо. Уг тэмцээнд Эрдэнэт үйлдвэрийн бүтцийн нэгжийн удирдах ажилтнууд, биеийн тамирын арга зүйчид, тухайн цехэд корнхол спортоор идэвхтэй хичээллэх сонирхолтой гурван ажилтнаас бүрдсэн 22 багийн 66 тамирчин оролцож, авхаалж самбаагаа сорин өрсөлдлөө. Корнхол спортын тэмцээнд Соёл, урлагийн цогцолборын Б.Нямлхагва ахлагчтай баг тэргүүн байр эзлэв. Удаах байруудад ААҮЦ-ийн Ц.Эрдэнэболд, Баяжуулах үйлдвэрийн Г.Цоггэрэл ахлагчтай багууд шалгарлаа. Энэ төрлийн спортын хэрэглэгдэхүүн нь энгийн, авсаархан, тоглолтод олон хүн хамардгаараа онцлог юм. Спорт цогцолборынхон бүх хэрэглэл материалыг өөрсдөө хийсэн бөгөөд энэ төрлийн спорт нь хүний биеийн бүх булчинг ажиллуулахаас гадна маш их мэдрэмж, ур чадвар, авхаалж самбаа шаарддаг гэж тэмцээн зохион байгуулагчид онцлов.
“Эрдэнэт үйлдвэр” ТӨҮГ-ын Хамтын ажиллагаа, нийгмийн харилцааны газрын дарга Ц.Бат-Энх: “Манай үйлдвэр ажилчдынхаа эрүүл мэндийг дэмжих чиглэлээр спортын шинэ төрлийг нэвтрүүлж, хөгжүүлж байгаа нэг жишээ бол энэ корнхол спортын тэмцээн юм. Тэмцээн маш өрсөлдөөнтэй, сонирхолтой боллоо. Спортын арга зүйчид энэ спортыг нийтийн биеийн тамир чийрэгжүүлэлтэд маш үр дүнтэй гэж үзэж байна. Уг тоглоом нь хөдөлгөөний эвсэл, баримжаа, хараа сайжруулах ач холбогдолтой. Мөн хаана ч тоглож болохоороо онцлогтой юм” гэв.
Нар минутад мандаж минутад жаргана.
Үс засуулвал: 
Суудал: 
