“Эрдэнэт үйлдвэр” ТӨҮГ-ын 2023 оны нэгдүгээр улирлын үйлдвэрлэл, эдийн засаг, үйл ажиллагааны үр дүнг хэлэлцэж, дүгнэх тайлангийн хурал эхэллээ. Тайлангийн хурлаар үйлдвэрийн нийт 34 бүтцийн нэгжийн үйл ажиллагааны тайлан балансыг хэлэлцэж, оны эхний улирлын ажилд нь дүн тавих юм. Энэ оноос “Ногоон хөгжил”, “Үйлдвэрлэл, технологийн парк” төслийн баг бие даасан нэгж болж, нэмэгдсэн байна. Үйлдвэрийн хэмжээнд тайлангийн хурал зохион байгуулах тухай “Эрдэнэт үйлдвэр” ТӨҮГ-ын Ерөнхий захирлын 2023 оны 2 дугаар сарын 6-ны өдрийн А/62 тоот тушаалаар бүтцийн нэгжүүдийн үйл ажиллагааг хэлэлцэн, үр дүнг үнэлж, дүгнэх журмыг баталсан. Уг журмын дагуу энэ удаагийн тайлангийн хурлыг шинэлэг хэлбэрээр зохион байгуулсан нь онцлогтой юм. Тухайлбал, оны нэгдүгээр улирал болон эхний 9 сарын тайланг цех нэгж дээр нь цомхон ажлын хэсэг хэлэлцэх бол хагас болон бүтэн жилийн үйл ажиллагааг өргөн бүрэлдэхүүнтэй ерөнхий ажлын хэсэг гарч, үнэлж дүгнэж байхаар зохион байгуулах юм.
“2023 оны нэгдүгээр улирлын тайлангийн хурал амжилттай үргэлжилж байна. Эхний өдөр үйлдвэрлэлийн 12 цех хамрагдаж, үйл ажиллагаа, бодлого зорилтын хэрэгжилт, эдийн засгийн үр ашиг, санхүүгийн сахилга бат зэрэг үзүүлэлтээ тайлагнаж, 94-өөс дээш хувиар хамгааллаа. Тайлангийн хурлын явцад цех нэгжүүдээс ирүүлсэн санал, шийдвэрлэх шаардлагатай асуудлыг нэгтгэж дээд шатны удирдлагуудад уламжилна. Тайлангийн хуралд Үйлдвэрийн газрын Хөрөнгө оруулалт, худалдан авах ажиллагааны бодлогын газар, Дотоод хяналт, мониторингийн хэлтэс, Санхүү, нягтлан бодох бүртгэлийн хэлтэс, Үйлдвэрлэлийн хэлтсийн удирдлагууд биечлэн оролцож, цехүүдийн үйл ажиллагаатай нарийвчлан танилцаж буй нь хурлын ач холбогдлыг дээшлүүлж байна” гэж Эдийн засгийн хэлтсийн Төлөвлөлт, мониторингийн албаны тэргүүлэх мэргэжилтэн С.Буянжаргал онцлов. Оны эхний улирлын тайлангийн хурал энэ сарын 25-аас 27-ны өдрүүдэд үргэлжилнэ.
Нар минутад мандаж минутад жаргана.
Үс засуулвал: 
Суудал: 
