“Эрдэнэт үйлдвэр” ТӨҮГ-ын 45 жилийн ойг тохиолдуулан Соёл, урлагийн цогцолбороос уламжлал болгон зохион байгуулдаг бүжгийн “Эрдэнэтийн бал-2023” 27 дахь наадам ахмадын ангиллаар өчигдөр эхэллээ. Энэ удаагийн наадамд Орхон аймгийн болон Эрдэнэт үйлдвэрээс гавьяаны амралтад гарсан нийт 64 ахмадаас бүрдсэн “Дөл”, “Мөнхийн залуу нас”, “Бид 45-д”, “Лидер” хамтлаг язгуур бий биелгээ, үндэсний цэнгээнт бүжиг төрлөөр өрсөлдөж байна. 27 дахь удаагийн шалгаруулалт цэцэрлэг, сургууль, ажилчин, ахмад насны ангиллаар 4 дүгээр сарын 23-29-ний өдрүүдэд үргэлжилж, дүнгээ гаргах юм. Энэ жилийн наадмын хамгийн бяцхан оролцогч нь дөрвөн настай Т.Азжаргал байгаа бол хамгийн ахмад оролцогч нь соёлын биет бус өв тээж, түгээн дэлгэрүүлж яваа 83 настай Д.Зурмаа гуай байв. Мөн Соёл, урлагийн цогцолборын бүжгийн анхны багш, эдүгээ 80 насны босго давж буй Монгол Улсын СТА Б.Доржпүрэв үзэгчдийн талархал хүлээсэн. Тэрээр “Эрдэнэтийн бал” наадмын суурийг тавилцсан уран бүтээлч бөгөөд Эрдэнэт үйлдвэрийн 35 жилийн ойгоор “Бид 35-д” хамтлаг байгуулан амжилттай оролцож байсан бол энэ удаа шавь нараа удирдан “Бид 45-д” хамтлаг ахлан оролцож байна.
“Эрдэнэт үйлдвэр” ТӨҮГ-ын 45 жилийн түүхэн ойг тохиолдуулан зохион байгуулж буй бүжгийн 27 дахь наадам формейшн буюу Стандарт бүжиг, Латин бүжгийн эвлүүлэг, орчин үеийн болон үндэсний цэнгээнт бүжиг, язгуур бий биелгээ, зохиомжит гэсэн төрлөөр явагдаж, хамрах цар хүрээ тэлж, бүжигчдийн ур чадвар дээшилж байгаа нь наадмыг улам сонирхолтой, өрсөлдөөнтэй болгож байна гэж шүүгчид онцоллоо.
Эрдэнэтийг бүжгийн хот хэмээн нэрлэх хэмжээнд хүртэл бүжгийн спортыг хөгжүүлсэн “Оюу” холбооны тэргүүн, сурган хүмүүжүүлэх ухааны доктор, МУСТА Д.Ганчулууны санаачилга, хичээл зүтгэлд энэ өдөр олон хүн талархаж байгаагаа илэрхийлсэн.
“Эрдэнэтийн бал-2023” бүжгийн наадмын Гала тоглолд энэ сарын 29-ний өдрийн 15.00 цагт “Хангарди палас”-т болно.
Нар минутад мандаж минутад жаргана.
Үс засуулвал: 
Суудал: 
