Монгол Улсын Засгийн газраас санаачлан боловсруулсан Үндсэн хуульд оруулах өөрчлөлтийн төслийн талаарх олон нийтийн хэлэлцүүлэг орон даяар өрнөж байна. Өнөөдөр Засгийн газрын Хэрэг эрхлэх газрын даргын зөвлөх, хуульч Ү.Амарбат Монгол Улсын баатар “Эрдэнэт үйлдвэр” ТӨҮГ-ын бүтцийн нэгжийн удирдах ажилтнууд болон уурхайчдын төлөөлөлд Үндсэн хуульд оруулах өөрчлөлтийн төслийг тусгайлан танилцуулж, хэлэлцүүлэг өрнүүлэн санал авлаа. Тэрээр УИХ-ын гишүүдийн тоог нэмэгдүүлэх бодит хэрэгцээ шаардлага, Үндсэн хуульд нэмэлт өөрчлөлт ойрхон оруулах болсон шалтгаан нөхцөлийн талаар дэлгэрэнгүй тайлбарлаж, нийгмийн харилцааг тасралтгүй зохицуулж байгаа Үндсэн хууль үйлдвэрлэлийн процесстой адил цаг үеэ дагаад өөрчлөх, шинэчлэх шаардлага тулгарч, шинэ зохицуулалт хэрэгтэй байгааг хэлсэн. Үндсэн хуульд оруулах өөрчлөлт нь 2019 оныхтой харьцуулахад цомхон бөгөөд Хүний эрхийг хамгаалах тогтолцоог бэхжүүлэх, ард түмнийг төлөөлөх парламентын чадавх, хариуцлагыг нэмэгдүүлэх, хөдөөгийн сэргэлтийг дэмжих, хэт төвлөрлийг сааруулж, Улаанбаатар хотын түгжрэлийг бууруулах гэсэн үндсэн гурван бүлгийг хөндөж байна. Ингэснээр нийгмийн инженерчлэл хийгдэж эерэг өөрчлөлт гарна гэдэгт олонх итгэж байгаа юм.
Хэлэлцүүлгийн үеэр Эрдэнэт хотын статусын асуудал хөндөгдсөн. Үүнтэй холбогдуулан намрын чуулганаар хэлэлцэх Хот, тосгоны эрх зүйн байдлын тухай хуулийн төслийн онцлог зохицуулалтын талаар танилцуулж, энэ хуулиар шийдвэрлэх асуудал гэдгийг хэллээ. Хэлэлцүүлгийн төгсгөлд оролцогчид санал асуулгын хуудсаар Монгол Улсын Үндсэн хуульд оруулах өөрчлөлтийн төсөлд санал өгөв.
Нар минутад мандаж минутад жаргана.
Үс засуулвал: 
Суудал: 
