Эрдэнэт үйлдвэрийн түүхт 45 жилийн ой энэ жил тохиож буйтай холбогдуулан тус үйлдвэрийн дэргэдэх Соёл, урлагийн цогцолбороос жил бүр зохиодог уламжлалт караоке дууны уралдааныг энэ удаа цар хүрээг нь өргөжүүлэн Орхон аймгийн нийт аж ахуйн нэгж, байгууллагуудын дунд зохион байгуулах гэж байна.
Орхон аймагт үйл ажиллагаа явуулж буй аж ахуйн нэгж, байгууллагын ажилтнуудын авьяасыг нээх, алдаршуулах зорилгоор “Эрдэнэт-45” нэртэйгээр зохион байгуулах тус уралдаан нь Соёл, урлагийн цогцолборын төлөвлөгөөнд тусгагдсан ажлуудын нэг бөгөөд соёл урлагаар дамжуулан нийгмийн сайн сайхан зүйлд ард иргэдийг уриалах, баялаг бүтээгч уурхайчдынхаа чөлөөт цагийг зөв боловсон өнгөрөөхөд чиглэсэн.
Нөгөө талаас, Соёл, урлагийн цогцолбор нь өөрийн үйл ажиллагаа, төрөл бүрийн соёлын арга хэмжээ, тоглолтоороо жилд 400 сая төгрөгийн орлого олох төлөвлөгөөтэй ажилладаг. Энэ хүрээнд “Эрдэнэт-45” караоке дууны уралдааныг олон нийтийн дунд зохион байгуулахаар ил тод зарлаж, тодорхой орлого олохоор төлөвлөсөн байна.
Өөрөөр хэлбэл, энэ удаагийн караоке дууны уралдааны шилдгүүдэд 5 сая төгрөгийн шагналын сан төсөвлөж, уралдааны гала тоглолтоос 8 сая төгрөгийн орлого бүрдүүлэх буюу тоглолтын тасалбарыг 5000 төгрөгөөр борлуулах юм. Ингэснээр бид үргүй зардал гаргахгүй байх, орлогоо нэмэгдүүлж ажиллахаар заасан Төрийн хэмнэлтийн тухай хуулийн 4-р зүйл заалтыг хэрэгжүүлэн ажиллаж байна, гэж Эрдэнэт үйлдвэрийн Соёл, урлагийн цогцолборын дарга Б.Баттулга онцоллоо.
Нар минутад мандаж минутад жаргана.
Үс засуулвал: 
Суудал: 
