Эрдэнэт үйлдвэрийн дэргэдэх Орос эмнэлгийн Ерөнхий эмч Волкова Татьяна Михайловна, Эм зүйч Амелина Ирина Евгеньевна нарыг Орхон аймгийн ИТХ-ын дээд шагнал “Иргэний төлөө” медалиар шагнасныг өнөөдөр тус үйлдвэрийн Хамтын ажиллагаа, нийгмийн харилцааны газрын дарга Ц.Бат-Энх гардуулж, баяр хүргэлээ.
Орос эмнэлгийн Ерөнхий эмч Волкова Татьяна Михайловна Монгол улс дахь ажлын гараагаа 1996 онд Төмөр замын байгууллага, ОХУ-ын Элчин сайдын яамны дэргэдэх Худалдаа, эдийн засгийн хөгжлийн төвийн эмнэлэгт дотрын эмчээр эхэлж байсан бол 2017 оноос Эрдэнэт үйлдвэрийн Орос эмнэлгийн дотрын эмч, Ерөнхий эмчээр тасралтгүй ажиллаж байна. Тэрээр ажиллах хугацаандаа эмнэлгийн үйл ажиллагааны онцлогт тохирсон арга барил, бүтээмжийг дээшлүүлэх шинэ арга хэрэгсэл нэвтрүүлж, багаар ажиллах чадвар хандлагыг төлөвшүүлэхэд хамт олноо манлайлан удирдахын зэрэгцээ эрүүл мэндийн байгууллагад 38 дахь жилдээ хөдөлмөр зүтгэлээ зориулжээ.
Эм зүйч Амелина Ирина Евгеньевна 1987 оноос Монгол Улсад суух ОХУ-ын Элчин сайдын яамны дэргэдэх Худалдааны төлөөлөгчийн газрын төв эмнэлэгт ажиллаж эхэлсэн бөгөөд 2017 оноос Эрдэнэт үйлдвэрийн Орос эмнэлэгт эм зүйчээр ажиллаж байна. Эрдэнэт үйлдвэрт ажиллаж буй гадаадын мэргэжилтэн болон ажиллагсдад эрүүл мэндийн тусламж үйлчилгээг чанартай шуурхай хүргэх, тэдний үр бүтээмжтэй ажиллах боломж нөхцөлийг бүрдүүлэхэд идэвх санаачилга, чин сэтгэлээ зориулан ажилласны учир тэднийг ийнхүү шагнасан байна.
Нар минутад мандаж минутад жаргана.
Үс засуулвал: 
Суудал: 
