Эрдэнэт үйлдвэрийн Тээвэр, ложистикийн төвийн ган замчид үйлдвэрийн бүсэд шинэ төмөр зам тавих ажлыг гурван газарт эхлүүлжээ. Үйлдвэрийн хүчин чадал өсөн нэмэгдэж байгаатай холбогдуулан Баяжуулах үйлдвэрийн Өөрөө нунтаглах хэсгийн цахилгаан хангамжийг сайжруулах зорилгоор РП-1, 2, Төв корпус болон “Аранжин” дэд станцуудад 110/6/6 кВ-ын ил хуваарилах байгууламжид 63 МВА чадалтай трансформатор нэмж суурилуулах ажил ирэх сард эхэлнэ. 100 гаруй тонн жинтэй энэхүү трансформаторыг зөөвөрлөх зориулалт бүхий төмөр зам шинээр барих, угсрах ажлыг тус төвийн Замын аж ахуй, дохиолол төвлөрүүлэлт хориглолын байгууламжийн хэсгийн замчид төлөвлөгөөний дагуу гүйцэтгэж байна.
Тус бүр зургаан метрийн урттай, гурван хэсэг төмөр зам тавих ажил гуравдугаар сарын 22-ноос эхэлсэн. Одоогоор ажлын гүйцэтгэл 40 хувьтай явна. Мэргэжлийн өндөр зэрэгтэй, ажлын арвин туршлагатай ган замчид баг болон илүү цагаар, амралтын өдрүүдээр ажиллаж, шинэ төмөр замаа энэ сарын 20-нд ашиглалтад хүлээлгэн өгөхөөр шамдаж байна, гэж Зам засварын мастер Ө.Буянхишиг ярилаа.
Тус хэсгийнхэн нэгдүгээр улиралд төмөр зам солих урсгал засварын ажлыг гүйцэтгэсэн бол одоо шинэ зам тавихын зэрэгцээ Эрдэнэт үйлдвэрийн харьяаны 25 км төмөр замд паспортын үзлэг шалгалт хийж байна.
Нар минутад мандаж минутад жаргана.
Үс засуулвал: 
Суудал: 
