“Эрдэнэт үйлдвэр” ТӨҮГ-ын Цацрагийн хяналтын бүлгийн гишүүд Засвар, механикийн заводын үйлдвэрлэлдээ ашигладаг хаягдал төмөр хураах талбайд эзэнгүй цацрагийн үүсгүүр эрэн хайх, илрүүлэх, аюулгүй болгох ажиллагаа өчигдөр зохион байгууллаа. Энэхүү ажиллагаанд цацрагийн үүсгүүртэй өдөр тутам гардан харьцаж ажилладаг, цацрагийн аюулын талаар зохих мэдлэгтэй томилгоот 10 гаруй хүний бүрэлдэхүүнтэй баг оролцсон. Үүнд Холбоо, мэдээллийн технологи автоматжуулалтын цехийн Рентген шуурхай шинжилгээний лабораторийн хэсэг, Цөмийн тоног төхөөрөмжийн групп, ХАБЭА-н Цацрагийн аюулгүйн товчооны мэргэжилтнүүд багтсан юм.
Олон улсын туршлагаас үзэхэд хаягдал төмөр дундаас эзэнгүй цацрагийн үүсгүүр олноор олддог бөгөөд Монголд ч илэрч байсан тохиолдол бий. Иймээс ХАБЭА-н сарын аяны хүрээнд Цацрагийн аюулгүйн товчоо цацрагийн болзошгүй аюулаас урьдчилан сэргийлэх үүднээс тандалтын эрэл хайгуул, хэмжилт хийлээ. Хаягдал төмөр хүлээн авдаг, бэлддэг ажилтнуудыг цацрагийн аюулгүй байдлын сургалтад өнгөрсөн жил анх удаа хамруулсан бол энэ сарын 4, 5-ны өдрүүдэд Засвар, механикийн заводын Цутгуурын цехийн ган хайлагч, металл бэлтгэгч гээд хаягдал төмөртэй харьцаж ажилладаг мэргэжлийн чиглэлийн хүмүүст эзэнгүй цацрагийн үүсгүүрийг хэрхэн таних, ямар аюултай хийгээд, илэрсэн тохиолдолд авах арга хэмжээний талаар мэдлэг ойлголт өгөх сургалт зохион байгуулжээ.
2019 онд Европын холбооны төслийн шугамаар Цөмийн энергийн комиссын ажлын алба улсын хэмжээнд гурван газрыг сонгож эзэнгүй цацрагийн үүсгүүр эрэн хайх ажиллагаа явуулахад Эрдэнэт үйлдвэрийн Засвар, механикийн завод мөн багтсан юм. Тухайн үед эзэнгүй цацрагийн үүсгүүр олдоогүй хэдий ч эрсдэл нь хэвээр байгаа гэж мэргэжилтнүүд үзсээр байна.
Нар минутад мандаж минутад жаргана.
Үс засуулвал: 
Суудал: 
