Эрдэнэт үйлдвэрийн Ахмадын нэгдсэн зөвлөл энэ онд тохиох төрөлх үйлдвэрийнхээ 45 жилийн ойг угтаж, хэд хэдэн томоохон ажил төлөвлөсний нэг нь Ахмадын урлагийн их наадам юм. Тус үйлдвэрээс гавьяаны амралтдаа гарсан авьяаслаг ахмадууд маань цаг хугацааны хувьд богино боловч нэлээд онцлог наадам зохион байгуулахыг зорьж, бэлтгэл ажилдаа ороод буйгаа сэтгэл дүүрэн ярилаа.
Урлагийн их наадамд оролцож буй ахмадууд Соёл, урлагийн цогцолбор болон Дуу бүжгийн “Эрдэнэт” чуулгын мэргэжлийн багш нарын удирдлага дор долоо хоногийн турш бэлтгэж, олон сонирхолтой үзүүлбэрээр өрсөлдөнө. Энэхүү наадмын үйл ажиллагааг Ахмадын нэгдсэн зөвлөл, Соёл, урлагийн цогцолбор хамтран зохион байгуулж буй бөгөөд тус цогцолборынхон ихээхэн тусламж дэмжлэг үзүүлж байгаад ахмадууд баяртай байна.
Мөн ирэх 5 дугаар сарын 22-нд “1000 Ахмадын уулзалт”-ыг зохион байгуулахаар төлөвлөжээ. Эрдэнэт үйлдвэрийн Ерөнхий захирлын ивээл дор болдог тус уулзалт нь үйлдвэрийн тэгш ойн жилд уламжлагдан зохиогдсоор ирсэн юм. Түүнчлэн ахмадуудын дунд зохион байгуулагддаг тэмцээн уралдаанууд төлөвлөгөөний дагуу болно, гэж Ахмадын нэгдсэн зөвлөлийн дарга Д.Байгаль онцлов.
Нар минутад мандаж минутад жаргана.
Үс засуулвал: 
Суудал: 
