Эрдэнэт үйлдвэрийн нийгмийн цехүүд сар бүр өөрийн үйл ажиллагааг сурталчлах зорилгоор нээлттэй сарын аян өрнүүлж байна. Өнгөрсөн 3 дугаар сард Соёл, урлагийн цогцолборынхон Аз жаргал түгээхийг уриалсан бол энэ сард Оёдлын цехийн хамт олон Чанарыг эрхэмлэх уриа дэвшүүлж байна. Өнөөдөр тус цех “Чанарыг эрхэмлэе” уриатай сарын аянаа нээж, Ерөнхий захиргааны 1 дүгээр байранд ажлын хувцасны үзэсгэлэн дэлгэлээ. Мөн мэргэжлийн оёдолчид энд ажиллаж, ажлын хувцсаа агуулахаас авч буй ажилчдад зөвлөгөө өгөх, ажлын хувцас үнэ төлбөргүй засварлах үйлчилгээ үзүүллээ. Эхний долоо хоногт энэ ажил үргэлжлэх бол дараагийн өдрүүдэд Оёдлын цехийн технологич, мэргэжилтнүүд үйлдвэрийн ажилчдад хувцас арчилгаа, гарын доорх материалаар хувцас эсгэх, нөхөх тухай мэдлэг, зөвлөмж хүргэх аж. Түүнчлэн бүтцийн цех нэгжүүдтэй хамтран “Өглөөний ХАБ”-ыг ажлын хувцас сэдвээр санал солилцох хэлбэрээр зохион байгуулах юм байна. Оёдлын цехийнхэн оны эхний улиралд 1000 гаруй ажлын хувцас үйлдвэрлэж, нийлүүлснээс хөвөнтэй хослол 300, куртик 250 ширхгийг оёжээ. Ингэснээр ажлын хувцасны нөөц боломжийн түвшинд хүрсэн, гэж Оёдлын цехийн Үйлдвэрлэл технологийн тэргүүлэх мэргэжилтэн М.Олонжаргал ярилаа.
Нар минутад мандаж минутад жаргана.
Үс засуулвал: 
Суудал: 
