“Эрдэнэт үйлдвэр” ТӨҮГ-ын цацрагийн хамгаалалт, аюулгүй байдлын Ажлын хэсгийн I улирлын ээлжит зөвлөгөөн өнөөдөр боллоо. Үйлдвэрийн газрын хэмжээнд цацрагийн хамгаалалт, аюулгүй байдлын ажлыг уялдуулан зохицуулах, нийтлэг шаардлага тогтоох зорилгоор оны эхэнд Ажлын хэсгийг шинэчлэн томилдог. Тэд өнөөдөр төлөвлөсөн ажлын хэрэгжилт, тулгамдаж буй асуудал зэргийг хэлэлцэн тодорхой шийдвэр зөвлөмж гаргав. Мөн үйлдвэрийн газрын хэмжээнд ашиглаж буй цацрагийн үүсгүүрийн техникийн төлөв байдлыг тогтоох эрсдэлийн үнэлгээний дүнг танилцуулж, өндөр эрсдэлтэй гарсан цацрагийн үүсгүүрийг шинэчлэн солих, ашиглалтаас гаргах асуудлыг хэлэлцсэн юм. Өндөр эрсдэлтэй үүсгүүрийн тоо жил ирэх тусам багасаж байгааг энэ үеэр онцолсон. Цаашид ч цөөлөх арга хэмжээ авч ажиллах шаардлагатай гэдэгт санал нэгдлээ. Гэсэн ч үйлдвэрт өргөтгөл, шинэчлэл хийгдэхийн хэрээр цөмийн технологийн хэрэглээ өсөж байна.
Өнгөрсөн онд Баяжуулах үйлдвэрийн Өөрөө нунтагдах хэсгийн 4-р секц шинээр байгуулагдсан, Нунтаглан баяжуулах хэсгийн 5-р секц бүрэн шинэчлэгдсэнтэй холбоотой хяналт, удирдлагад ашиглах цөмийн технологийн хэрэглээ өссөн. Тухайлбал, цацрагийн үүсгүүрийн тоо 41-ээр буюу 35.3 хувиар нэмэгдсэн. Мөн “Эрдэнэт медикал” эмнэлэг Эрдэнэт үйлдвэрийн харьяанд шинжсэнээр дүрс оношилгооны тасагт ашиглаж буй есөн нэр төрлийн рентген аппарат, 15 цацрагтай ажиллагч нэмэгджээ. Энэ онд цацрагийн үүсгүүр 19-өөр, цацрагтай ажиллагч дөрвөөр нэмэгдэх төлөвтэй байгааг зөвлөгөөний үеэр мэдээллээ. Мөн цацрагийн хэмжилтийн багаж хэрэгслийн ханган нийлүүлэлт хүлээгдэж байгааг ч энэ үеэр хөндсөн.
Эрдэнэт үйлдвэрийн цацрагийн хамгаалалт, аюулгүй байдлын Ажлын хэсгийн зөвлөгөөн ирэх улирлын ажлаа хэлэлцэн төлөвлөснөөр өндөрлөлөө.
Нар 04:55 минутад мандаж 20:47 минутад жаргана.
Үс засуулвал: Өнгө зүс доройтно
Суудал: Хий
