Дэлхий нийтээр “Сүрьеэтэй тэмцэх өдөр”-ийг тэмдэглэж эхэлснээс хойш энэ жил 77 дахь удаагаа тэмдэглэж байна. Анх 1882 оны 3 дугаар сарын 24-нд Германы эрдэмтэн Роберт Кох сүрьеэгийн бактерийг нээж, дэлхий дахинд энэ вирусийн талаар мэдээлж байв. Тиймээс Дэлхийн эрүүл мэндийн байгууллага санаачлан, Нидерландын Сүрьеэгийн сан, Олон улсын сүрьеэ, уушгины холбоотой хамтран энэ өдрийг дэлхийн “Сүрьеэтэй тэмцэх өдөр” болгон зарлажээ. Монгол улс энэ өдрийг 1997 оноос тогтмол тэмдэглэж буй бол “Эрдэнэт Медикал” эмнэлэг сүүлийн 6 жил сүрьеэтэй хэрхэн тэмцэж, өөрийгөө хамгаалах, нэгэнт энэ өвчнөөр өвчилсөн тохиолдолд хэрхэн эмчлүүлж, бүрэн эдгэрч болох зэрэг сэдвийн дор ард иргэдэд мэдээлэл, сурталчилгаа, таниулан зөвлөх ажлыг тасралтгүй зохион байгуулсаар ирсэн байна.
Нийгмийн хариуцлагын хүрээнд тус эмнэлгийнхэн эл өдөрт өндөр ач холбогдол өгч, “КуМо” клуб, “Мөнхийн тун” компанитай хамтран 120 хүнд рентген цээжний зураг авах, зөвлөгөө өгөх зэрэг үйлчилгээ үзүүлж, үнэ төлбөргүй үзлэгт хамруулж байна. Ингэснээр зорилтот үйлчлүүлэгчдэдээ илүү хүрч, таниулан сурталчлах боломжтой боллоо, гэж “Эрдэнэт Медикал” эмнэлгийн Үйл ажиллагаа хариуцсан орлогч Л.Туул яриандаа дурдав.
Сүрьеэгийн вирусийн өвчлөл дэлхийн дахины санааг зовоосон, өргөн тархалттай өвчний тоонд ордог. Жилд 10 сая хүн энэ өвчний вирусээр өвчилж, 1.6 сая хүн эрсэддэг гэсэн статистик бий. Гэхдээ сүрьеэ өвчнөөр өвдсөн хүн эмчийн зааврын дагуу эмчилгээнд хамрагдаж чадвал, 100 хувь бүрэн эдгэрдгээрээ онцлогтой. Тиймээс сүрьеэгийн халдвар авсан тохиолдолд эмнэлэгт даруй хандаж, зөв дадал хэвшил мөрдөн, өөрийгөө хамгаалахад суралцахыг мэргэжлийн эмч нар энэ өдрөөр уриалж байна.
Нар минутад мандаж минутад жаргана.
Үс засуулвал: 
Суудал: 
