Ус хангамжийн цехийн бүтээмж чанарын дугуйлангууд амжилт арвин байна

     Өнгөрсөн онд Ус хангамжийн цехийн хэмжээнд сайн саналын системд нийт 213 санал бүртгэгджээ. Үүнээс 202 санал нь үнэлэгдэж, нийт 81 ажилтны 180 санал хэрэгжиж урамшуулал авсан. Мөн саналын системд бүртгэсэн саналын хэрэгжилт 89.5, чанар 65.3, биелэлт 100.4 хувьтай байна. Бүтээмж чанарын 15 дугуйлан нийт 37 сайжруулалтын ажил хийжээ. Сайжруулалтын ажлын үр дүнд эрчим хүч хэмнэн, тоног төхөөрөмжийн насжилт уртсаж, ажил хөнгөвчлөн, ажлын байрны аюул эрсдэл буурч, ая тухтай орчин бүрджээ. Түүнчлэн, Монголын бүтээмжийн төвтэй хамтран сайн ажилласан бүтээмж чанарын дугуйлангийн 12 ахлагчийг “Бүтээмжийн ахисан түвшний сургалт”-д хамруулж туршлага судалжээ. Бид Бүтээмж чанарын дугуйлангийн зарим ахлагчдын сэтгэгдлийг сонссон юм.

       Хийн хангамжийн хэсгийн мастер Н.АМАРТҮВШИН: 
     Манай хэсгийн хэмжээнд Бүтээмж чанарын “Мазаалай”, “Бүтээлч залуус”, “Гацуурхан” гэсэн гурван дугуйлан үйл ажиллагаа явуулдаг. Өнгөрсөн онд хэрэгжүүлсэн төслийн ажлууд бий. Үүнд: Галын хоолой эвхэх төхөөрөмж, Аж ахуйн өрөө тохижуулсан. Явган зам шинээр гаргасан. 2023 онд хийх ажлын төлөвлөгөөний дагуу ажлын байруудад хаалт, хашилт, агааржуулалтын хоолойд шүүлтүүр хийх, компрессорын өрөөний дуу чимээг багасгах, карбид кальцийг тусгай саванд хийдэг болгох зэрэг ажлын бэлтгэл хангаад явж байна. Миний хувьд гурван жил дараалан сайн саналын системийн ТОП-100 манлайлагч ажилтны нэгээр шалгарсан. Цехийн хэмжээнд шилдэг шинийг санаачлагч, хамгийн олон санал дэвшүүлсэн ажилтан болсон. Манай “Мазаалай” дугуйлан 10 хүнтэй. Хийн хангамжийн хэсгийн Ацетилены хэсэгт байрладаг. Эрдэнэт үйлдвэрт би 16 дахь жилээ ажиллаж байна. 

        Цэвэрлэх байгууламжийн хэсгийн гагнуурчин Д.ЭРДЭНЭБАТ:
     Манай цехийн хэмжээнд Бүтээмж чанарын дугуйлангууд идэвхтэй хичээллээд зургаан жил болж байна. 2019 оноос миний бие бүтээмж чанарын дугуйлангийн ахлагчаар ажиллаж ирлээ. Энэ хугацаанд Эрдэнэт үйлдвэрийн ТОП-100 манлайлагч ажилтны номинацид шалгарсан. Манай дугуйлан механикч, гагнуурчин, зургаан засварчны бүрэлдэхүүнтэй баг. “Бод, сэтгэ, бүтээ” дугуйлан нь засварын бригад. Өнгөрсөн онд манай дугуйлангийн гишүүд сайн саналын системд 47 ажил бүртгүүлж хэрэгжүүлсэн. Энэ үзүүлэлтээрээ Эрдэнэт үйлдвэрийн хэмжээнд тусгай байр эзэлсэн. Тус дугуйлан усны чиглэлээр ихэвчлэн үйл ажиллагаа явуулдаг. Тухайлбал, 40 жил ажилласан тос хамах тунгаагуурыг өөрсдийн дотоод нөөц боломжоо ашиглаж шинэчилсэн. Ингэхдээ цехдээ сольсон материалыг дахин ашиглаж тунгаагуурын ажиллах хугацааг уртасгасан. Манай бүтээмж чанарын дугуйлангийн тав нь цөөхөн жил ажилласан хүмүүс. Энэ ажилчдад бүтээмж чанарын дугуйлангийн хүрээнд хэрэгжүүлж буй ажил их туршлага болдог. Бид ч санаачлан хэрэгжүүлсэн ажлаасаа их урам авдаг. Цаашид улам их бүтээмжтэй ажиллах зорилттой байна.


 
        Цэвэр ус хангамжийн хэсгийн тоног төхөөрөмжийн засварчин Б.АРИУНБОЛД: 
       Би Эрдэнэт үйлдвэрт 10 дахь жилээ ажиллаж байна. Манай “Хөх Монгол” бүтээмж чанарын дугуйлан 2012 оноос идэвхтэй ажиллаж эхэлсэн. Миний бие 2019 оноос энэ дугуйланг тэргүүлэн ажиллаж байна. Тус дугуйлан “Шинээр сэтгэж, сэтгэснээ урлая” гэсэн уриатай. Токарьчин, ферезерчин, гагнуурчин, засварчин гэсэн 14 хүний бүрэлдэхүүнтэй ажилладаг. Манай дугуйлан өнгөрсөн онд 55 санал гаргасан. Энэ онд хийх ажлын төлөвлөгөө гарсан. Эхний хоёр ажлаа хийгээд явж байна. Өнгөрсөн онд өргөх станцуудын усан сангийн агааржуулалтын хоолойг бетоноор цутган биежүүлсэн. Ингэснээр үйлдвэрлэлийн технологийн тасралтгүй найдвартай ажиллагааг хангах нөхцөл бүрдсэн. Энэ онд авто хийн зүсэлтийн зориулалт бүхий ажлын ширээ, нөөц бараа материал, лист хадгалах саравч, токарийн суурь машины дэргэд багажны хайрцаг хийх зэрэг ажил төлөвлөсөн. Зарим ажил 30 гаруй хувийн гүйцэтгэлтэй явна. 

         Эргэлтийн ус хангамжийн хэсгийн цахилгаанчин Ч.БИНДЭРЪЯА: 
      Эрдэнэт үйлдвэрт 17 дахь жилдээ ажиллаж байна. Манай хэсэгт хоёр томхон төсөл хэрэгжсэн. Эхнийх нь “Хоёрдугаар шүүрлийн сувгийн оролтын хэсгийн усыг хөлдөөхгүй байх технологи” сэдэвт төсөл юм. Анх загасны аквариумаас санаа авч энэ төслийг бичсэн. Бид усанд жижиг хийн агааржуулагч тавьж үлээлгэж үзсэн. Ингэхэд -21 хэмийн хүйтэнд ус ер хөлдөөгүй. Тэгэхээр ус хөдөлгөөнтэй байх тусам хөлддөггүй юм байна. Эрдэнэт үйлдвэрийн хэмжээнд гуравдугаар байр эзэлсэн уг төслийг Баяжуулах үйлдвэрийн Хаягдлын аж ахуйд хэрэгжүүлсэн. Нөгөөх нь “Ногоон төгөл” төсөл хэрэгжээд явж байна. Усжуулалтын системийг нь шийдсэн. Тарьсан модны ургалт сайн байгаа. Уг талбайд сүүлийн хоёр жил 90 шилмүүст мод тарьсан. Манай “Шинэ эргэлт” дугуйлан 21 хүнтэй. 2023 онд оосорлох хэрэгслүүдийг хаягжуулна. Хоёрдугаар шүүрлийн ус дамжуулах шугамд нэмэлт хаалт тавих зэрэг жижиг сайжруулалтын ажил хийхээр төлөвлөөд байна. 

      Үйлдвэрийн хэмжээнд жил бүр бүтээмжийн үйл ажиллагаагаар Сайн саналын системийн ТОП-100 ажилтныг шалгаруулж алдаршуулдаг. Тус цехээс өнгөрсөн онд Э.Эрдэнэ-Орших, Д.Эрдэнэбат, Н.Амартүвшин, Н.Бүрэнтөгс нар шилдэг ажилтнаар шалгарчээ. Ийнхүү Ус хангамжийн цехийн Бүтээмж чанарын дугуйлангууд ажлын өндөр амжилт гаргасаар байна.

Б.Баттөгс
Зурагчин
Энэ мэдээ танд ямар санагдав?
Хайр татам байна
0
Таалагдаж байна
1
Гайхалтай байна
0
Гунигтай байна
0
Уур минь хүрч байна
0

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

ӨНӨӨДРИЙН ЗУРХАЙ

wave
|
Нар минутад мандаж минутад жаргана.


Үс засуулвал:
Суудал:


Ярилцлага

wave
Я.ПҮРВЭЭ: Энэ онд 30 мянган тонн баяжмал Биржээр арилжаална
Т.ГАНБОЛД: Шинэ санаачилгыг хэрэгжүүлэхэд эв нэгдэл, уйгагүй хөдөлмөр, ур чадвар хэрэгтэй
Х.ОЛЗБААТАР: Цахимд бүртгэлтэй бараа материалыг сонирхсон хүмүүс худалдан авах боломж бүрдсэн
Г.Ёндон: Би баяжмал борлуулах гэрээ хийхгүй
  • .
  • 10/05/2024
Д.БАЯРМАА: Энэ онд 524 тэрбум төгрөгийн өртөг бүхий 117 ажил хийнэ
С.БАТТӨР: Хүслээ дагаж ирсэн үйлдвэртээ 40 жилийн хөдөлмөрөө зориулж явна
Ш.Даваахүү: Биеийн ерөнхий хөгжлийн судалгааны дүнг үндэслэн төсөлд хамруулна
Х.ҮНЭНЗОРИГ: Соёл, урлагийн бүтээгдэхүүн үйлчилгээг бизнесийн эргэлтэд оруулж ажиллана
Т.БАТМӨНХ: Ирэх онд хүдэр боловсруулах үйлдвэрлэлийн хүчин чадлыг 40 сая тоннд хүргэнэ
Л.ЭНХТУЯА: Орчин цагийн хүүхдүүдийн сэтгэхүйн чадамжийг ойлгох шинэ зуунд бид амьдарч байна

Хайлт хийх ...

ESC дарж буцах боломжтой.

Цаг агаар
Эрдэнэт хот
Өнөөдөр
2023-12-31
-6°C
Багавтар үүлтэй
Салхи: 6м/сек
-13°C
Багавтар үүлтэй
Салхи: 5м/сек
2024-01-01
-6°C
Үүл багаснa
Салхи: 7м/сек
-16°C
Үүлшинэ
Салхи: 6м/сек
2024-01-02
-8°C
Багавтар үүлтэй
Салхи: 7м/сек
-18°C
Багавтар үүлтэй
Салхи: 6м/сек
2024-01-03
-6°C
Цас
Салхи: 5м/сек
-13°C
Үүлшинэ
Салхи: 5м/сек
2024-01-04
-10°C
Үүлшинэ
Салхи: 6м/сек
-17°C
Цас
Салхи: 5м/сек
Валютын ханш
Монголбанк
Валют Ханш
USD 3409.39 -0.0004 %
EUR 3731.58 -0.0161 %
GBP 4332.82 -0.0091 %
RUB 37.42 -0.0067 %
CNY 476.27 -0.0079 %
KRW 2.59 -0.0232 %
CAD 2548.89 -0.0144 %
NZD 2125.75 -0.0195 %
AUD 2285.66 -0.0225 %
JPY 23.61 -0.0258 %
HKD 436.62 +0.0004 %
SGD 2562.2 -0.0112 %
CHF 4010.58 -0.0131 %
SEK 331.69 -0.0360 %
TRY 114.24 -0.0140 %
THB 97.51 -0.0251 %