Нийтийн биеийн тамирыг идэвхжүүлэх, ажлын байрны дасгал хөдөлгөөнийг тогтмолжуулах, баялаг бүтээгч уурхайчдыг эрүүл чийрэг ажиллаж хөдөлмөрлөхөд нь туслах зорилгоор нийгмийн цехүүдийн төлөөлөл оролцсон уулзалт “Оюу” танхимд боллоо. Энэхүү уулзалтад Спорт цогцолборын арга зүйчид, “Эрдэнэт” сувиллын цогцолборын эмч нар, бүх бүтцийн нэгжийн эмч, арга зүйчид оролцов. Тэд өөрсдийн ажлын уялдаа холбоог сайжруулах, цаашид хийж хэрэгжүүлэх ажлынхаа талаар санал бодлоо солилцсон юм.
Уулзалтын эхэнд Хамтын ажиллагаа, нийгмийн харилцааны газрын дарга Ц.Бат-Энх мэдээлэл хийв. Тэрбээр “Сар бүр нийгмийн цехүүд өөрсдийн үйл ажиллагаагаа сурталчлах аян өрнүүлж эхэллээ. Өмнөх сард СААЖЦ үйл ажиллагаагаа танилцуулсан. Энэ сард Соёл, урлагийн цогцолборын “Аз жаргал түгээе” сэдэвтэй аян өрнөж байна. Аяны үйл ажиллагаанд нийгмийн бүх цех нэгжүүд идэвхтэй оролцох ёстой. Эрүүл байж ажил хийнэ. Тиймээс “Эрдэнэт” сувилллын цогцолбор “Эрүүл уурхайчин” аян өрнүүлэх хэрэгтэй байна” хэмээн онцлов.
Мөн Спорт цогцолбор болон “Эрдэнэт” сувиллын цогцолборын эмч, арга зүйч нарт ажлын байрны дасгал хөдөлгөөнийг тогтмолжуулах талаар дараах чиглэлээр хамтран ажиллахыг үүрэг болгов. Үүнд:
-Өглөө бүр 10:10, өдөр бүр 15:10 цагаас бүх цех, хэсэгт ажлын байрны дасгал хөдөлгөөнийг хийж хэвшүүлэх,
-Спорт цогцолборын арга зүйчид, “Эрдэнэт” сувиллын цогцолборын эмч нар ажлын уялдаа холбоог сайжруулж, цаашид хэрэгжүүлэх ажлын нэгдсэн төлөвлөгөөг гарган батлуулахыг Хамтын ажиллагаа, нийгмийн харилцааны газрын дарга Ц.Бат-Энх үүрэг болгов.
Нар 06:46 минутад мандаж 19:11 минутад жаргана.
Үс засуулвал: Бие эрхтний хүч сайжирна.
Суудал: Мод
