Оюутолгой компанийн Орон нутгийн хэлтсийн мэргэжилтнүүд Эрдэнэт үйлдвэрийн нийгэм, хамтын ажиллагааны олон талт хөтөлбөр, бодлого чиглэлтэй танилцаж, туршлага судлахаар ирлээ. Өмнөговь аймгийн Ханбогд сумын нутаг дэвсгэрт үйл ажиллагаа явуулдаг Оюутолгой компанийн Орон нутгийн харилцааны хэлтэс нь 20 гаруй хүний бүрэлдэхүүнтэй бөгөөд тэдний талаас илүү хувь нь тус сумын уугуул иргэд байдаг аж. Нийгмийн хариуцлагын хүрээнд бүс нутгийг хөгжүүлэх, уурхай дагасан даацтай бүтээн байгуулалт хийх зорилтын хүрээнд Оюутолгой компани өнгөрсөн оны 5 сард Ханбогд сумын хот төлөвлөлт, хөгжилд зориулан 50 сая ам долларын хөрөнгө оруулалт хийхээр шийдвэрлэсэн. Энэхүү хөрөнгө оруулалтыг хэрхэн үр өгөөжтэй, зөв зохион байгуулалттай хэрэгжүүлж, үлдээх боломжийг Эрдэнэт үйлдвэрээс судалж, олж харахаар тус хэлтсийн мэргэжилтнүүд хоёр өдөр ажиллах юм байна.
Түүнчлэн, томилолтын зорилгын талаар Орон нутгийн хэлтсийн Ахлах менежер О.Цэрэннадмид ярихдаа, “Оюутолгойн уурхай болон Ханбогд сумын хөгжил, бүтээн байгуулалтыг олон жил Эрдэнэт үйлдвэртэй харьцуулж ирсэн. Өөрөөр хэлбэл, Ханбогд хэзээ Эрдэнэт шиг иж бүрэн хот болох вэ гэсэн асуулт, хүлээлт их байдаг. Хөгжлийн төлөвлөлт, компанийн эзэмшил, хөрөнгө оруулалтын нөхцөлүүд хэдийгээр өөр ч гэсэн 40 гаруй жилийн түүхтэй Эрдэнэт хот, Эрдэнэт үйлдвэртэй газар дээр нь ирж танилцах, хот уурхайн хамтын ажиллагаа, нийгмийн харилцаа, ирээдүйн төлөв зэрэг нь үе шат бүхэндээ хэрхэн хөгжиж буй болон хөрөнгө оруулалтаа яаж оновчтой байлгах зэрэг олон талаас нь туршлага судалж, санал солилцоно” хэмээн онцлов. Оюутолгойн мэргэжилтнүүд ажлын хөтөлбөрийн хүрээнд өнөөдөр үдээс өмнө “Эрдэнэт үйлдвэр” ТӨҮГ-ын музей үзэж, Хамтын ажиллагаа, нийгмийн харилцааны газрын үйл ажиллагааны танилцуулга мэдээллийг сонсож, харилцан санал солилцсон бол үдээс хойш Ил уурхай болон Байгаль орчин, ногоон хөгжлийн хэлтэс, Ойн генетик нөөцийн төвийн үйл ажиллагаатай танилцаж байна.
Нар минутад мандаж минутад жаргана.
Үс засуулвал: 
Суудал: 
