Эрдэнэт үйлдвэрийн Ил уурхайн хамт олон улирч буй оны амжилт ололтоо дүгнэж, ажил үйлсээрээ манлайлсан таван ажилтныг бар жилийн “Хөдөлмөрийн аварга”-аар тодруулж, алдаршууллаа.
Ил уурхайн хамт олон өнгөрсөн 2022 онд амжилт, бүтээл өрнүүн байж, тэдний дундаас шинэхэн гавьяат уурхайчин, хөдөлмөрийн аваргууд төрснийг цехийн дарга Д.Нямдорж тодотгон, баяр хүргэв.
Үйлдвэрлэлийн төлөвлөгөөт зорилтыг ханган биелүүлэхэд идэвх санаачлага гаргаж, хамт олноо хошуучилсан Маркшейдерийн товчооны маркшейдер Ш.Батмөнх, Уулын ажлын хэсгийн экскаваторын машинч Э.Ганчулуун, Өрөмдлөг тэсэлгээий хэсгийн тэсрэх материал түгээгч Б.Алтантуул, Зам овоолгын хэсгийн тоног төхөөрөмжийн засварчин, бутлуурчин Ж.Бат-Очир, Цахилгаан тоног төхөөрөмжийн засварын хэсгийн тоног төхөөрөмжийн цахилгаанчин Ц.Батбаяр нар бар жилийн “Хөдөлмөрийн аварга” ажилтнаар тодорч, мөнгөн урамшууллын эзэд боллоо.
Мөн энэ үеэр тус цехээс 2022 онд төрсөн гавьяат уурхайчин болон Эрдэнэт үйлдвэрийн хөдөлмөрийн аваргууддаа Уул уурхайн 100 жилийн ойн медаль гардуулж, амжилт ерөөв.
Хөдөлмөрийн аваргуудын шагналыг Ил уурхайн дарга Д.Нямдорж, “Эрдэнэт үйлдвэр” ТӨҮГ-ын ҮЭ-ийн холбооны дарга Ж.Мөнгөншагай нар гардуулж, нийт уурхайчиддаа айлчлан ирж буй усан туулай жилийн мэндийг дэвшүүллээ.
Нар минутад мандаж минутад жаргана.
Үс засуулвал: 
Суудал: 
