“Эрдэнэт үйлдвэр” ТӨҮГ-ын Засвар, механикийн заводын хамт олон Усан бар жилийн хөдөлмөрийн аваргуудаа өнөөдөр тодрууллаа. Тус заводын 2022 оны үйлдвэрлэлийн төлөвлөгөөт зорилтыг биелүүлэхэд санаачилга гаргаж, өндөр үр бүтээлтэй ажилласан токарьчин Б.Угтахбаяр, тоног төхөөрөмжийн засварчин Н.Мөнхбат, тойруулан зорох суурь машины операторч Б.Ганбат, сантехникийн засварчин Ш.Ганчулуун, металл хийц угсралтын слесарь Б.Эрдэнэ-Очир, тоон удирдлагатай зорогч суурь машины операторч М.Номин-Эрдэнэ, Өргөн тээвэрлэх машин, механизмын механикч инженер Лаптев А.В., ган хайлуулагч Т.Булгансайхан, гар хэвчин П.Батсүх, Х.Амаржаргал, гүүрэн кранчин Х.Заяабаатар, үйлдвэрлэлийн инженер О.Төрмөнх нар Засвар, механикийн заводын Хөдөлмөрийн аваргаар шалгарсан. 17-р жарны “Үзэсгэлэн болгогч” хэмээх туулай жилийн хаврын тэргүүн сар, Цагаан сарын баярыг тохиолдуулан тодруулж байгаа Хөдөлмөрийн аваргуудыг тус заводын хамт олон ажлын байрандаа тодруулан, баяр хүргэлээ. Энэ үеэр ажил мэргэжилдээ амжилт гарган, хамт олноо манлайлан ажиллаж байгаа нэр бүхий 26 ажилтныг салбарын Тэргүүний ажилтан цол, тэмдгээр шагнаж урамшуулав.
Нар минутад мандаж минутад жаргана.
Үс засуулвал: 
Суудал: 
