Засвар, угсралтын цехийн хамт олон улиран одож буй бар жилийн Хөдөлмөрийн аваргуудаа тодруулан шагналаа. Хөдөлмөрийн аваргаар Засвар угсралтын хэсгийн цахилгаан ба хийн гагнуурчин, бригадын дарга Э.Оюунболд, Засвар угсралтын хэсгийн тоног төхөөрөмжийн засварчин Р.Шаравнямбуу, Угсралт тохируулгын хэсгийн агааржуулалтын тоног төхөөрөмжийн угсрагч-засварчин Ч.Азжаргал, Угсралт тохируулгын хэсгийн цахилгаан тоног төхөөрөмжийн угсрагч-засварчин Т.Батаахүү нар шалгарав. Цехийн удирдлагууд тэдэнд аваргын тууз, алд цэнхэр хадаг, идээний дээж бүхий мөнгөн аяга, мөнгөн урамшуулал хүртээв.
Тус цехийн хамт олон өнгөрсөн онд Эрдэнэт үйлдвэрийн томоохон бүтээн байгуулалтуудад амжилттай оролцжээ. Тухайлбал, Баяжуулах үйлдвэрийн Нунтаглан баяжуулах хэсгийн 5-р ээлжийн тоног төхөөрөмжүүдийг шинэчлэх, Өөрөө нунтаглах хэсгийн 4-р ээлжийн өргөтгөлийн ажлын хүрээнд деталь эд ангиудын холболт, төмөр хийц, төрөл бүрийн шугам хоолойн угсралт суурилуулалтын ажлыг бүрэн хийж гүйцэтгэн ашиглалтад хүлээлгэн өгчээ. Мөн “Эрдэнэт үйлдвэр” ТӨҮГ-ын Захиргааны III байрны засварын ажлын агааржуулалтын систем суурилуулах ажлыг амжилттай хийсэн байна. Эдгээр далайцтай ажлуудыг хийхэд хамт олноо манлайлан ажилласан шилдэг ажилтнуудаа ийнхүү тодруулжээ. Түүнчлэн өнгөрсөн онд ажил үйлсээрээ шалгарч Төрийн дээд шагнал Алтан гадас одонгоор Засвар угсралтын хэсгийн дарга Лундаагийн Батсайхан, Хөдөлмөрийн хүндэт медалиар агааржуулалтын тоног төхөөрөмжийн угсрагч-засварчин Бавуугийн Тодгэрэл, тоног төхөөрөмжийн засварчин Баасангийн Давааням нар шагнуулжээ. Мөн Засвар угсралтын хэсгийн ахлах мастер Сапрыкин Виктор Алексеевич “Эрдэнэт үйлдвэр” ТӨҮГ-ын Хүндэт дэвтэрт бичигдэж, цахилгаан ба хийн гагнуурчин Тэрбишийн Мөнхтөгс Эрдэнэт үйлдвэр” ТӨҮГ-ын Хөдөлмөрийн аваргаар шалгарчээ.
Ийнхүү Засвар, угсралтын цехийн хамт олон улирч буй бар жилээ амжилт бүтээл арвин үдэж байна.
Нар минутад мандаж минутад жаргана.
Үс засуулвал: 
Суудал: 
