“Нөхөрлөл, тэмүүлэл, амжилт” уриан дор Эрдэнэт хотноо найм хоногийн турш үргэлжилсэн Монголын бүх ард түмний өвлийн спортын XVI наадам, Монголын хүүхдийн спортын өвлийн VII наадмын хаалтын ёслолын ажиллагаа өчигдөр болж, аваргуудаа тодруулсан. Өвлийн спортын хоёр наадам анх удаа орон нутагт нэгэн зэрэг зохион байгуулагдаж, үүнд Улаанбаатар хотын 7 дүүрэг, 12 аймгийн 700 гаруй баг тамирчид өвлийн спортын 6 төрлөөр оролцсон нь спортын наадмуудын цар хүрээг харуулж байлаа. Тамирчид гүйлтийн цана, уулын цана, гүйлтийн тэшүүр, шорт трейк, шайбтай хоккей, снөүборд зэрэг өвлийн спортын зургаан төрлөөр өрсөлдсөн бөгөөд тэмцээн зохион байгуулах зориулалтын талбай, техник тоног төхөөрөмж, тамирчдын байр, хангамж зэрэг иж бүрэн материаллаг баазыг Эрдэнэт үйлдвэр хариуцан ажиллалаа. Энэ нь Орхон аймаг, Эрдэнэт үйлдвэрийн хамтын ажиллагааны хүрээнд хийгдэж буй томоохон ажлын нэг боллоо, гэж Спорт цогцолборын дарга Ш.Даваахүү наадмын хаалтын ёслолын үеэр онцлов.
Монголын бүх ард түмний өвлийн спортын XVI наадамд багийн дүнгээр тэргүүн байрыг “Алдар” спорт хороо, удаах байрыг Орхон аймаг, гутгаар байрыг “Хилчин” спорт хорооны баг тамирчид тус тус эзэлсэн бол Монголын хүүхдийн спортын VII наадамд Хөвсгөл, Булган, Төв аймгийн тамирчин хүүхдүүд эхний байруудад шалгарч, алт, мөнгө хүрэл медаль хүртлээ. Хурд хүч, авхаалж самбаа, итгэл найдвар, эв нэгдлийг нэг дор цогцлоосон Монголчуудын өвлийн спортын наадам ийнхүү өндөрлөж, Эрдэнэтчүүд нэг долоо хоногийг спортоор “амьсгалж” өнгөрүүллээ.
Нар минутад мандаж минутад жаргана.
Үс засуулвал: 
Суудал: 
