“Эрдэнэт цогцолбор” дээд сургууль нь орон нутагт Боловсролын байгууллагын менежментийн тогтолцоо ISO 21001:2018 стандартыг үйл ажиллагаандаа нэвтрүүлж, хэрэгжүүлэн баталгаажуулалтын гэрчилгээ авсан анхны боловсролын байгууллага юм. Тус сургууль өөрийн тэргүүн туршлагаа орон нутгийн бусад боловсролын байгууллагуудтай хуваалцан, ISO 21001 стандартыг түгээн дэлгэрүүлэх зорилгоор БШУГ-тай хамтран “Боловсролын байгууллагын менежментийн тогтолцоо MNS ISO 21001:2021 стандарт”-ын танилцуулах сургалт зохион байгуулж байна.
Аймгийн Засаг даргын үйл ажиллагааны төлөвлөгөөнд “Орон нутгийн их дээд сургуулийг дэмжиж хамтран ажиллах” заалт тусгагдсаны дагуу аймгийн ЗДТГ-ын дэмжлэгтэйгээр БШУГ-тай хамтран бүх шатны боловсролын байгууллагуудад зориулагдсан дээрх стандартыг түгээн дэлгэрүүлэх, орон нутгийн боловсролын байгууллагад нэвтрүүлэх зорилготой стандартын танилцуулга М1 сургалт “Эрдэнэт цогцолбор” дээд сургууль дээр өнгөрсөн баасан гарагт эхэлсэн. Сургалтад Ерөнхий боловсролын сургуулийн 100 гаруй удирдах ажилтан хамрагдлаа. Энэ сарын 19, 20-нд Сургуулийн өмнөх боловсролын байгууллагуудын удирдах ажилтнууд дээрх сургалтад хамрагдах юм.
Тус сургалтыг зохион байгуулснаар орон нутагт үйл ажиллагаа явуулж буй боловсролын байгууллагуудын хувьд “Боловсролын байгууллагын менежментийн тогтолцоо-Шаардлага MNS ISO 21001:20121 (ISO 21001:2018) стандарт”-ыг нэвтрүүлэх, шаардлага хангасан тохиолдолд стандартын гэрчилгээгээр баталгаажих, “Боловсролын байгууллагын менежментийн тогтолцоо ISO21001 стандарт”-ыг хэрэгжүүлсэн анхны аймаг болох зэрэг олон үр дүн хүлээгдэж байна.
Нар минутад мандаж минутад жаргана.
Үс засуулвал: 
Суудал: 
