Монгол Улсын начин Ө.Батзулд хоёр өрөө байрны түлхүүр гардууллаа

     “Хангарди” спорт клубийн тамирчин, чөлөөт бөхийн олон улсын хэмжээний мастер Ө.Батзулын Монгол Улсын начин цолыг мялааж, “Эрдэнэт үйлдвэр” ТӨҮГ-аас хоёр өрөө байраар шагнах батламж олгосон. Энэхүү байрны түлхүүрийг Үйлдвэрийн газрын удирдлагууд Монгол Улсын начин Ө.Батзулд өчигдөр гардууллаа. Энэ үеэр тэрбээр: “Миний спортын амжилтыг үнэлэн, хоёр өрөө  байраар шагнаж буй Эрдэнэт үйлдвэрийн Ерөнхий захирал Г.Ёндон, Ерөнхий захирал асан Х.Бадамсүрэн,  Хамтын ажиллагаа, нийгмийн харилцааны газрын дарга Ц.Бат-Энх, Тамгын газрын дарга Д.Үүрийнтуяа болон баялаг бүтээгч уурхайчдадаа баярлалаа. Би бөхийн спортоор хичээллээд 15 жил болжээ. Энэ хугацаанд хүнд хэцүү, сайн сайхан бүхий л зүйлийг туулж, энэ амжилтыг гаргалаа. Цаашдаа надад улам илүү хөдөлмөрлөж, олон сайхан амжилт гаргах хариуцлага ирж байна гэж ухамсарлаж байна. Ингээд Эрдэнэт үйлдвэрийн хамт олондоо, “Энэрэл” төвийнхөндөө, Унаган нутаг Эрдэнэтийн зон олондоо дахин баярласнаа илэрхийлье” гэв. 

      Ө.Батзул нь  2020, 2021 онд Орхон аймгийн баяр наадамд дараалан түрүүлж,  Аймгийн хурц арслан цол хүртсэн.  Ардын хувьсгалын 100, 101 жилийн түүхт ойн Улсын их баяр наадмаар урамтай сайхан барилдаж, Монгол Улсын начин цол хүртсэн юм. Тэрбээр чөлөөт бөхөөр олон жил амжилттай барилдаж яваа. Ази тивийн аварга шалгаруулах тэмцээний мөнгө хүрэл, Дмитрий Коркины нэрэмжит олон улсын тэмцээний мөнгө, Ираны Тахтийн цомын олон улсын тэмцээний хүрэл, Дмитрий Миндиашвилигийн тэмцээний мөнгөн медальт, Улсын аварга шалгаруулах тэмцээний дөрвөн алт, нэг хүрэл, “Монголиа опен” олон улсын тэмцээний хоёр алт, хоёр мөнгөн медальт, 2021 оны Дэлхийн аварга шалгаруулах тэмцээний шагналт 5-р байр эзэлсэн тамирчин юм. 
 

Энэ мэдээ танд ямар санагдав?

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Хайлт хийх ...

ESC дарж буцах боломжтой.