Эрдэнэт үйлдвэрийн Байгаль орчны лабораторид итгэмжлэлийн гэрчилгээ олгов

     “Эрдэнэт үйлдвэр” ТӨҮГ-ын Байгаль орчин, ногоон хөгжлийн хэлтсийн Байгаль орчны лаборатори тав дахь удаагаа итгэмжлэгдлээ. Шинэ оны өмнөхөн “Сорилтын болон шалгалт тохируулгын лабораторийн чадавхад тавих ерөнхий шаардлага” MNS ISO/IEC 17025:2018 шинэчлэгдсэн стандартын шаардлага хангасан тул Стандартчилал, хэмжил зүйн газраас тус лабораторид дөрвөн жилийн хугацаатай итгэмжлэлийн гэрчилгээ олгосон байна.  

2008 онд ашиглалтад орсон Байгаль орчны лаборатори нь үйлдвэрлэлийн сөрөг хүчин зүйл хүрээлэн буй орчинд хэрхэн нөлөөлж буйг тогтоохоор бүтцийн нэгжүүд болон “Эрдмин”, “Ачит-Ихт” зэрэг гэрээт компаниудын үйл ажиллагаанаас үүсэх бохирдолтод хэмжилт, шинжилгээ хийж, хяналт тавин ажилладаг. ОХУ, ХБНГУ, АНУ-д үйлдвэрлэгдсэн, орчин үеийн шинжилгээний багаж тоног төхөөрөмжөөр бүрэн тоноглогдсон Эрдэнэт үйлдвэрийн Байгаль орчны лаборатори өнгөрсөн жил хөрснөөс 69 дээж авч 12 үзүүлэлтээр 828 шинжилгээ, усны 375 дээжид 6-28 үзүүлэлтээр 9532 шинжилгээ, агаар дээр 217 дээжид 3-14 үзүүлэлтээр 2638 шинжилгээ хийжээ. Ингэхдээ Ус, цаг уурын шинжилгээний төвийн Байгаль орчны лабораторитой хамтарсан шинжилгээ хийж, үр дүнгээ харилцан солилцож үнэлэлт дүгнэлт гаргадаг. Шинжилгээний дүгнэлтээр Эрдэнэт, Хангал, Орхон голын усны бохирдол, чанарын зэргээрээ гуравдугаар ангилалд буюу бага бохирдолтой гарчээ. Үйлдвэрийн хүрээлэн буй орчны агаарт тоосжилт, хийн найрлагын хэмжээг шинжлэхэд агууламж стандарт хэмжээнээс давсан үзүүлэлт байдаггүй байна. Харин Ил уурхайн тэсэлгээний үед тоосжилт стандарт хэмжээнээс нэг дахин өндөр гарах түр зуурын тохиолдол байдаг гэж лабораторийн эрхлэгч С.Баялаг мэдээллээ.  


 

Б.Баттөгс
Зурагчин
Энэ мэдээ танд ямар санагдав?

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Хайлт хийх ...

ESC дарж буцах боломжтой.