Эрдэнэт үйлдвэрийн зэс болон молибдены баяжмалыг усгүйжүүлж хатаан, стандартын шаардлага хангасан таваарын бүтээгдэхүүн гарган ууталж савлан экспортод ачих үүрэг хүлээдэг Шүүн хатаах хэсгийн тоног төхөөрөмж, техник хэрэгслийн найдварт ажиллагаа сайжирлаа. Өнгөрсөн онд үйлдвэрлэлийн төлөвлөгөөний бүх үзүүлэлтээ давуулан биелүүлсэн тус хэсгийн хамт олон засвар үйлчилгээний ажлыг оновчтой төлөвлөснөөр эвдрэл доголдол эрс багасжээ. Тухайлбал, гадна болон дотор краны бэхэлгээ, суурь багана ашиглалтын явцад муудсан байсныг сольж, элэгдсэн дугуй, гажсан замыг шинэчилсэн байна. Ингэснээр краны дугуйн эвдрэл эрс багассан гэж Шүүн хатаах хэсгийн дарга Ц.Батболд ярилаа.
Мөн халиа дамжуулах ган шугам хоолой нарийссанаас насос шахаж дийлэхгүй, халиа алдах түвшинд хүрсэн байсныг сайжруулжээ. Энэ ажлын хүрээнд 400 гаруй метр ган хоолойг 250-ийн диаметртэй хуванцар хоолойгоор сольж, насосыг томсгон шинэчилж, хүчин чадлыг нэмэгдүүлсэн байна. Удахгүй зэсийн болон молибдены даралтат шүүлтүүр, молибдены өтгөрүүлэгч, ачилтын крануудыг шинэчлэх ажлыг эхлүүлэхээр төлөвлөжээ.
Нар минутад мандаж минутад жаргана.
Үс засуулвал: 
Суудал: 
