Баяжуулагчид 36.7 сая тонн хүдэр боловсруулах төлөвлөгөөтэй ажиллаж байна

     Эрдэнэт үйлдвэрийн баяжуулагчид энэ онд 36 сая 700 мянга тонн хүдэр боловсруулах төлөвлөгөөтэй ажиллаж байна. Өнгөрсөн онд Өөрөө нунтаглах хэсэгт жилд 6 сая тонн хүдэр боловсруулах хүчин чадал бүхий дөрөвдүгээр шугам барих, Нунтаглан баяжуулах хэсэгт жилд 12 сая тонн хүдэр боловсруулах хам баяжуулалтын 5-р секцийг шинэчлэх төсөл амжилттай хэрэгжиж, ашиглалтад хүлээн авсан. Мөн энэ онд техникийн шинэчлэлийн багагүй ажил хийхээр төлөвлөжээ. Тухайлбал, Өөрөө нунтаглах хэсгийн ММС-1 тээрмийн цахилгаан хөдөлгүүрийг давтамж хувиргагчийн хамт шинэчлэх ажлыг энэ сарын 23-наас эхлүүлэхээр бэлтгэл хангаж байна. Мөн Нунтаглан баяжуулах хэсэгт хоёр тээрэм, Шүүн хатаах хэсэгт зэсийн болон молибдены даралтат шүүлтүүр, молибдены өтгөрүүлэгч шинэчлэх ажлууд хийгдэнэ.  

Эрдэнэтийн баяжуулагчид өнгөрсөн онд 33.6 сая тонн хүдэр боловсруулж түүхэн дээд амжилт тогтоосон бол энэ жил хүрсэн түвшинээ ахиулах төлөвлөгөөтэй ажиллаж байна.   
 

Б.Баттөгс
Зурагчин
Энэ мэдээ танд ямар санагдав?

Сэтгэгдэл (0)

wave

Сэтгэгдэл үлдээх

wave
зочин1
зочин2
зочин3
зочин4
зочин5
зочин6
зочин7
зочин8

Уншигчдын бичсэн сэтгэгдэлд ErdenetToday.mn хариуцлага хүлээхгүй болно. Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Хайлт хийх ...

ESC дарж буцах боломжтой.