Монгол Улсад орчин цагийн уул уурхайн салбар үүсэж хөгжсөний түүхт 100 жилийн ойг тохиолдуулан Эрдэнэт үйлдвэрийн бүтээн байгуулалтад гар бие оролцож явсан ахмад ажилтнуудыг шагнаж, урамшууллаа.
Шинэ оны босгон дээр Эрдэнэт үйлдвэртэй залуу нас, хувь заяагаа холбож, хөдөлмөр зүтгэлээ зориулж ирсэн ахмад уурхайчин Г.Хөхбүрэн, С.Эрдэнэ, Ж.Энхтуяа, Б.Нямсүрэн, Д.Наранцэцэг, С.Цогзолмаа, Ё.Дашням, Д.Өлзийжаргал, Б.Дамдинсүрэн, Б.Батмөнх нар Засгийн газрын шагнал “Тэргүүний уурхайчин” цол тэмдгээр энгэрээ мялаав. Мөн энэ үеэр тус үйлдвэрийн ахмад М.Ганхуяг, Б.Нэргүй, Д.Нямсүрэн, Ж.Хүрэлчулуун нар Орхон аймгийн “Хүндэт тэмдэг”-ээр шагнагдлаа.
Шагналыг Эрдэнэт үйлдвэрийн Ахмадын нэгдсэн зөвлөлийн дарга Д.Байгал гардуулж, ахмад ажилтнууддаа баяр хүргэж, мэндчиллээ. Эрдэнэт үйлдвэрийн Ахмадын нэгдсэн зөвлөл энэ онд ахмадуудад чиглэсэн үйл ажиллагаагаа жигдрүүлж, спорт, урлагийн нийтийн цэнгээнт бүжиг, “Дуулах өдөр” дуун цэнгүүн, хаврын “Үүргэвчтэй аялал” зэрэг соёлын олон талт хөтөлбөрүүдийг амжилттай зохион байгуулж, шинэ оноо угтаж байна.
Өнөөдрийн байдлаар Эрдэнэт үйлдвэрээс гавьяаны амралтдаа гарсан 3000-аад ахмад ажилтны чөлөөт цагаа зөв боловсон өнгөрүүлэх, урлаг, спортоор хичээллэх, хамт олноороо уулзаж ярилцах бүхий л талын нөхцөл боломжийг Ахмадын нэгдсэн зөвлөл бүрдүүлэн, ахмад уурхайчдынхаа дуу хоолой болон ажиллаж байна.
Нар минутад мандаж минутад жаргана.
Үс засуулвал: 
Суудал: 
