Эрдэнэт үйлдвэрийн амралт, аялал жуулчлал, худалдаа үйлдвэрлэл, угталт зочлолт гээд нийгмийн үйлчилгээний “арын алба”-ыг дааж хариуцдаг “Сэлэнгэ” амралт, аялал жуулчлалын цогцолборынхон оны шилдгүүдээ тодрууллаа. Улирч буй 2022 он тус цогцолборынхны хувьд амжилт бүтээл дүүрэн байв. Мөн цогцолборын дарга И.Жаргалсайхан Монгол Улсын Үйлчилгээний гавьяат ажилтан цол хүртэж, Эрдэнэт үйлдвэрээс төрсөн анхны үйлчилгээний гавьяат болсон нь том бахархал дагууллаа. Цогцолборын шилдгүүдэд шагнал гардуулах ёслолын ажиллагааны эхэнд дарга И.Жаргалсайхан нийт хамт олондоо шинэ оны мэндчилгээ дэвшүүлж, үйлчилгээний соёл, чанарыг дээшлүүлэхэд бүх хүний хүчин чармайлт, гавьяа шингэсэн гэдгийг онцлов.
Шагнал гардуулах ажиллагаанд Хүний нөөц, захиргааны хэлтсийн дарга О.Отгонбаяр, Хамтын ажиллагаа, нийгмийн харилцааны газрын Албаны дарга Д.Эрдэнэбат, Эдийн засгийн хэлтсийн дарга Д.Нарантуяа, Санхүү, нягтлан бодох бүртгэлийн хэлтсийн дарга Т.Очирхүү, Аж ахуй үйлчилгээний цехийн дарга Б.Туяа, Ерөнхий геологич Д.Алтанхуяг, Геологи хайгуулын экспедицийн дарга М.Дамдинсүрэн нар оролцож, оны шилдгүүдэд баяр хүргэлээ.
“Сэлэнгэ” амралт, аялал жуулчлалын цогцолборын 2022 оны “Оны шилдэг ажилтан”-аар цогцолборын хэсэг тус бүрийн хөдөлмөрийн аваргууд болох Нийтийн хоол, рестораны ажилтан Ж.Энхнадмид, Зочид буудлын ажилтан Г.Гүндсамбуу, Энэрэл төвийн ажилтан Б.Энхжаргал, Сэлэнгэ катерингийн ажилтан Ц.Амартүвшин, Сэлэнгэ баазын ажилтан М.Аварга, “Оны шилдэг мэргэжилтэн”-ээр цогцолборын Маркетинг, үйлчилгээний албаны мэргэжилтэн Г.Энхбилгүүн, “Шилдэг удирдах ажилтан”-аар Сэлэнгэ амралтын баазын дарга Д.Эрдэнэбат нар тус тус тодорч, шилдгийн өргөмжлөл гардаж авлаа. Мөн энэ үеэр Засгийн газрын болон аймгийн төр захиргааны шагналаар хамт олноо манлайлан ажилласан тэргүүний ажилтнуудыг шагнаж урамшуулсан. Монгол Улсын Засгийн газрын шагнал “Үйлдвэр худалдаа үйлчилгээний тэргүүний ажилтан” цол тэмдгээр Л.Болор, Б.Пүрэвсүрэн, Х.Отгонсэлэнгэ, Б.Дагвадорж, А.Алтанхүү, “Авто тээврийн тэргүүний ажилтан” цол, тэмдгээр Б.Батцэнгэл, “Авто тээврийн тэргүүний ажилтан” хүндэт тэмдгээр Д.Тайванжаргал, Б.Содбаатар, Эрчим хүчний яамны Хүндэт жуух бичгээр Г.Энхбат нар шагнагдсан бол Орхон аймгийн ИТХ-ын Хүндэт жуух бичгээр ажилтан Б.Эрдэнэтуяа, Д.Алгирмаа, Ш.Рагчаасүрэн, Т.Баярмагнай, аймгийн Засаг даргын Жуух бичгээр С.Цэрэнноров, Ц.Амартүвшин, З.Лхам-Эрдэнэ, Л.Оюунгэрэл, Б.Мянганбаяр, Баян-Өндөр сумын ИТХ-ын Жуух бичгээр Б.Алтанзул нар шагнуулж, ажлын амжилтаа үнэлүүллээ.
Нар минутад мандаж минутад жаргана.
Үс засуулвал: 
Суудал: 
