“Эрдэнэт үйлдвэр” ТӨҮГ-ын Спорт цогцолборын хамт олон 2022 оны ажлаа дүгнэж, аваргуудаа тодрууллаа. Зууны манлай бүтээн байгуулалт Эрдэнэт үйлдвэр төдийгүй Монгол эх орныхоо алдар нэрийг тив, дэлхийн тавцанд өргөсөн үе үеийн цуут тамирчдыг бэлтгэдэг тус цогцолборынхон хуучин оноо амжилт дүүрэн үдэж байна.
Спорт цогцолборын энэ жилийн “Аварга ажилтан”-аар Усан сангийн хэсгийн арга зүйч Б.Наранбаатар шалгарсан бол ХАБЭА-н инженер З.Сүлдболд “Шилдэг ажилтан”, Үйлчилгээ аж ахуйн хэсгийн үйлчлэгч Д.Мөнхтуяа “Шилдэг ажилчин”, Нийтийн биеийн тамир чийрэгжүүлэлтийн хэсгийн арга зүйч Э.Сүлд-Эрдэнэ “Шилдэг арга зүйч”, Шигшээ багийн хэсгийн дасгалжуулагч Г.Цэрэнпунцаг “Шилдэг дасгалжуулагч”, Үйлчилгээ аж ахуйн хэсгийн мужаан Б.Сайнбилэг “Шилдэг шинийг санаачлагч”-аар тодорч, өргөмжлөл, мөнгөн шагнал хүртлээ.
Мөн хамт олноо манлайлан ажилласан зарим ажилтныг Засгийн газар болон аймаг сумын Засаг дарга, ИТХ-ын шагналаар шагнаж урамшуулав. Тухайлбал, тус цогцолборын Эдийн засагч М.Идэрсайхан “Санхүү банкны тэргүүний ажилтан” цол тэмдгээр, Арга зүйч Ч.Нямаа, Үйлчлэгч Д.Нансалмаа, Ц.Цэцэгсүрэн, Ц.Анхжаргал, Химийн шинжилгээний лаборант М.Ариунтуяа нар Орхон аймгийн засаг даргын Жуух бичгээр, Химийн шинжилгээний лаборант Г.Батцэцэг, Цахилгаанчин С.Ариунтөр нар ИТХ-ын Хүндэт жуух бичгээр, Харуул Л.Баярсайхан, Арга зүйч Б.Ганзориг нар ИТХ-ын “Иргэний төлөө” медалиар тус тус шагнагдлаа. 
Түүнчлэн, Биеийн тамир спортын газрын шагнал Монголын үндэсний Олимпын хорооны “Алтан медаль”-иар Үйлчлэгч Ч.Баярмаа, “Олимпын алдар” одонгоор мастер З.Орхонгэрэл нар тус тус энгэрээ мялаалаа. Шинэ жилийн баярын үеэр тус цогцолбороос нийт ажилтнуудын хүүхдүүд болон ахмадууддаа баярын бэлэг гардуулж, энэ онд өндөр насны тэтгэвэртээ гарсан А.Цогзолмаа, С.Төмөрхуяг нарт хүндэтгэл үзүүлсэн байна.
Нар минутад мандаж минутад жаргана.
Үс засуулвал: 
Суудал: 
