Эрдэнэт үйлдвэр зэсийн баяжмалаа дэлхийн томоохон худалдааны компаниудтай байгуулсан Худалдах, худалдан авах гэрээний дагуу БНХАУ, БНСУ-ын зах зээлд нийлүүлж байна. Сүүлийн жилүүдэд коронавируст цар тахлын улмаас дэлхий дахинд нийгэм, эдийн засгийн хямралтай нөхцөл байдал үүссэн, олон улсын түвшинд улс хоорондын үл ойлголцол, геополитикийн асуудалтай байгаагаас хил гааль, тээвэртэй холбоотой олон сорилтууд тулгарсан нь баяжмалын борлуулалт, тээврийн асуудалд зарим талаар эрсдэл үүсгэснийг мэргэжилтнүүд онцолдог. Гадаад худалдааны нөхцөл байдал амаргүй байгаа ч Эрдэнэт үйлдвэр баяжмалын борлуулалтын гэрээний нөхцөлийг өөрчилж, худалдааны компаниудтай зарчмын асуудлаа тохиролцон ажиллаж байна. Гадаад худалдааны гэрээний нөхцөлийг сайжруулснаар 2017-2022 оны эхний найман сард 47.6 сая ам.долларын нэмэлт орлого олсон. Хөгжлийн үндсэн чиглэлийн эхний 5 жилд буюу 2017-2021 онд 4.1 тэрбум ам.долларын борлуулалт хийж, борлуулалтын төлөвлөгөөг 16.6 хувиар давуулан биелүүлж, төлөвлөсөн хэмжээнээс 587.2 сая ам.долларын нэмэлт борлуулалт хийсэн юм.
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
