Баяжуулах үйлдвэрийн Хаягдлын аж ахуйн элсэн талбайн хэмжээ 2014 онд 1500 га байсан бол элс хураах технологийн онцлог, хүдэр боловсруулах хүчин чадлын өсөлтөөс хамааран энэ онд 2200 орчим га болж нэмэгджээ. Үүний улмаас Хаягдлын аж ахуйн цөөрмийн усны түвшин өнгөрсөн жил 3.2 метрээр буурч, эргэлтийн усан хангамж доголдон үйлдвэрлэлийн тасралтгүй ажиллагаанд сөргөөр нөлөөлөх болсон. Баяжуулах үйлдвэрийн хүдэр боловсруулах хүчин чадал нэмэгдэхэд уг хүндрэл дахин үүсэх өндөр эрсдэлтэй. Мөн элсэн талбайн өсөлт нь байгаль орчинд сөргөөр нөлөөлөх, цагаан тоосны дэгдэлтийг нэмэгдүүлэх гол хүчин зүйл болж байна. Иймд үйлдвэрийн усан хангамжийн найдвартай ажиллагааг хангах, хаягдал хураах менежментийг сайжруулах зорилгоор Эрдэнэт үйлдвэр хаягдал өтгөрүүлэх технологи нэвтрүүлэхээр төлөвлөсөн. Одоогоор мэргэжилтнүүд урьдчилсан ТЭЗҮ боловсруулан, тооцоо судалгаа гаргаад ажиллаж байна. Энэхүү төслийг хэрэгжүүлснээр эргэлтийн усны 80 хувийг дахин ашиглаж, улирлын чанартай усны дутагдалд орох эрсдэлгүй болохоос гадна жилд таван сая ам.долларын өртөг бүхий байгалийн цэвэр ус хэмнэх боломж бүрдэх юм. Мөн элс хураалтын технологийг сайжруулснаар цагаан тоосны дэгдэлтийг эрс бууруулж, шинээр ажлын байр бий болно гэж мэргэжилтнүүд үзэж байна.
Нар минутад мандаж минутад жаргана.
Үс засуулвал: 
Суудал: 
